«Медиалогия» компания экспердэрэ сыаналаабыттарынан манна Россия 10 региона киирбит. Тула уобалаһа, Чечня уонна Санкт-Петербург инники күөҥҥэ иһэллэр. «Медиалогия» компаниятыгар эппиттэринэн, Тула уобалаһын губернатора  Владимир Груздев  уобаластааҕы Думаҕа олорор усулуобуйаны тупсарыыны өрө таһаарар соругу туруорбут. 2013 сылга бу уобаласка 500 тыһ.кв.м олорор дьиэ тутуллубут, оттон быйыл ити көрдөрүү 560 тыһ. кв м диэри тиийиэхтээх.

Чечен республиктын баһылыга Рамзан Кадыров  Владимир Путины кытта көрсүһүүгэ кэлиҥҥи сылларга 39 сэлиэнньэни гааһынан хааччыйбыттарын туһунан эттэ. 34 сэлиэнньэҕэ 624 км уу тиһигин тардыбыттар. Эдэр ыалга уонна идэлээх дьоҥҥо анаан104 тыһ. кв. м  олорор дьиэни туппуттар. 1,5 тыһ. эдэр ыал олорор усулуобуйаларын тупсарыыга субсидияны туһаммыттар.

Санкт-Петербург губернатора  Георгий Полтавченко  2013 сылга В.Путин ыам ыйынааҕы ыйааҕын 42 көрдөрүүтэ туолбутун туһунан эттэ.

Саха сирин этэр буоллахха, олорор дьиэни тутуу сылын аайы элбии, эбиллэ турар. 2013 сылга 405,8 тыс. кв. м. олорор дьиэ тутуллубут. 2013 сыл устата 3,2 тыһ. тахса дьиэ кэргэн олорор дьиэлэрин тупсарбыттар, ол иһигэр 450 эдэр ыал, бэтэрээннээх, инбэлииттээх, биэс уонна онтон элбэх оҕолоох, байыаннай сулууспаттан босхоломмуттаах 260 дьиэ кэргэн. 400 ыал хаарбах туруктаах дьиэлэртэн көһөрүллүбүт. ДьУоКХ туһунан эттэххэ, 2013 сылга 86 хочуолунай тутуллубут уонна саҥардыллан оҥоһуллубут. Коммунальнай инфраструктура эргэриитэ 58%-тан 56% диэри аччаабыт.