Саха сирин олохтоохторо Россия государственноһа бөҕөргүүрүгэр бэйэлэрин дьоһун, сүҥкэн кылааттарын киллэрэллэр. Биир дойдулаахтарбыт үлэҕэ, наукаҕа, култуураҕа, спортка сөҕүмэр ситиһиилээхтэр. Федерация олохтоохторугар  сомоҕолоһуу уонна омук иһин киэн туттуутун бэлиэ күнэ буолар. Биһиги модун держава дьонобут. Россия саҥа историятын бииргэ үөскэтэбит, дойдубутун күүскэ таптыыбыт уонна оҕолорбут, сиэннэрбит, хос сиэннэрбит тустарыгар кини инникитин түстүүбүт, айабыт, тутабыт.

Күндү доҕоттор! Тыйыс хоту сир дьоно, биһиги хаһан да ыарахаттартан толлон турбатахпыт. Дойду социальнай-экономическай сайдыытыгар, нэһилиэнньэ олоҕун таһымын үрдэтиигэ государство туруорбут соруктарын ситиһэр толору кыахтаахпыт. Биһиги дойдубут модун күүһэ- күдэҕэ хас биирдии киһи тус ситиһиититтэн быһаччы тутулуктаах.

Бука барыгытын бырааһынньыгынан истиҥник эҕэрдэлиибин! Өрө тахсыылаах, күүрүүлээх үлэни, или-эйэни, дьолу-соргуну баҕарабын!

Саха сирин баһылыгын эбээһинэһин

быстах кэмҥэ толорооччу Егор Борисов