- Манна даҕатан эттэххэ, былырыын бу күрэхтэһиигэ Бурятияттан аҕыс бөҕөс кыттыбыта эрээри, хайалара даҕаны финалга тахсыбатаҕа.
Оттон Япония сүүмэрдэммит хамаандатын 1988 сыллааҕы Олимпиада боруонса призера Шиничи Юмото салайан илдьэ кэлиэ. Юмото 2011 сыллаахха «Ярыгин-2011» үһүс миэстэни ылан турар. Тустууну сэҥээрээччилэр кинини былырыын икки сыллаах тохтобул кэнниттэн Дьокуускай ыытыллыбыт Дмитрий Коркин турнирыгар көрбүттэрэ. Онно япон бөҕөһө финалга Виктор Рассадиҥҥа хотторбута. Кинини сэргэ Красноярскайга ааспыт сыл ахсынньытыгар буолбут дойду чемпионатын кыайыылаахтара уонна призердара: Котаро Танака (65 кг), Цубаси Асаи (74), Шинуя Мацумото (86) уонна Касутоши Каназава (125) тустуохтара. - Япония хамаандата Красноярскай түһүлгэтигэр сыллата кыттар. Ол эрэн үс эрэ тустуук - Канеяме, Косеи Акаиси (иккиэн 1990 с.) уонна Токохиро Ваде (1995 с.) Иван Ярыгин турнирын чемпионнарынан буолбуттар.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети