Үөһээ Бүлүүтээҕи техникумҥа 20-тэн тахса эдэр специалист үлэлиир. Бу соторутааҕыта кинилэр Туймаада туонатыгар ыытыллыбыт ”Вызов-кузов” акцияны сэҥээрэн, бэйэлэрин кылааттарын киллэрсэргэ быһаарыннылар. Төрөөбүт улуустара ыраас буоларын инниттэн үөрэх кыһатын таһыгар өр сылларга быраҕыллан сыппыт массыына кузовын сыбаалкаҕа утаардылар. Бу экологическай акция эстафета быһыытынан ыытылларынан, салгыы ыҥырыыны Исиидэр Бараахап аатынан орто оскуолаҕа туттардылар.

Анатолий Захаров, Исидор Бараахап аатынан орто оскуола дириэктэрэ:

- Бу үтүө дьыала ситимин быспакка салҕанарыгар, үгүс эдэр ыччат кыттарыгар баҕаран туран, Үөһээ Бүлүүтээҕи техникум эдэр ыччата эстафетаны бу аҕыйах хонугунан Ньурба улууһун Маардааҕы техникумугар туттарыаҕа.

Прокопий Осипов, техникум преподавателэ:

- «Вызов-кузов» экологическай акцияҕа эдэр ыччат кыттарга соруммута хайҕаллаах, сырдыгы түстүүр кэскиллээх суол.