Билбэт көрбөт эбиппин
Олох таспар букатын
Хорсун-хоодуот, чиэһинэй
Киһи бэрдэ - бу баарын!
Арай биирдэ, сарсыарда
Анка барда күүлэйдии
Сырдык халлаан, саһарҕа
Анка суолу мээрэйдиир.
Көртө сиргэ дьэ, арай
Сытар эбит булумньу
Хачыгырас харчылаах,
Олус тобус-толору.

Үөрдэ бастаан Аннушка,
Онтон санаан аһарда
Бачча элбэх харчыны
Ама, киммит быраҕыай?
Мантан сылтаан ким эрэ
Ыарыйдаҕа сүрэҕэ,
Тугу эрэ ылыахтааҕын
Сүтэрдэҕэ харчытын.
Сүүрдэ Анка, ыксаата,
Полиция ханан этэй?
Сүтүктээҕи булуохха
Булумньуну биэриэххэ!
Полиция иһигэр
Форма кэппит уолаттар
Аннушкаттан сөхтүлэр
Баһыыбаны эттилэр!
Мантан киэһээ телекка
Анка эрэ көстүөҕэ
Саха сирэ барыта
Хайҕыы, таптыы көрүөҕэ!
Харчы дьиҥнээх иччитэ
Ытыктанар киһи этэ.
Олус, олус үөрбүтэ
Булумньутун кууспута.
Харах уулаах махтанар,
Аннушкаҕа үҥэр сүктэр.
Ааттаах суоллаах алгыһын
Ис сүрэхтэн кини тиэрдэр!
Мантан ыла күүтэбит
Бэһис кээмэй түүлүгэр
Көмүс мэтээл күлүмүрдүү
Герой аатын кэрэһэлиэ!

Якутскому пенсионеру вернули потерянный кошелек с 53 тысячами рублей