Республика федеративнай сыһыаннаһыыларга уонна тас сибээстэргэ Министерствотын коллегиятын мунньаҕар Владимир Васильев «Хотугу форум» аан дойдутааҕы правительственнайа суох тэрилтэҕэ Саха Республикатын председательстволааһынын түмүктэрин туһунан кэпсээтэ.

«2013 сыл саҕаланыытыгар тэрилтэ үбүн-харчытын туруга кырыымчыгынан сыаналаммыта уонна секретариаты биһиги республикабытыгар көһөрүү бастатан туран, итиннэ ыытыллар ночооттору аччатарга, мунньуллубут иэһи төлүүргэ чилиэннэр усунуостарын сорох чааһыттан босхолонорго туһаайыллыбыта. Федеративнай сыһыаннаһыыларга Министерство уонна секретариат итиэннэ регионнар баһыйар өттүлэрин эппиэтинэстээх сыһыаннара ити кыһалҕаны быһаарарга төһүү буоллулар», - диэтэ Васильев.

Кини бэлиэтээбитинэн, 2013 сыллаахха төһө да үп-харчы туруга кырыымчыгын иһин, Хотугу Форум бары бырайыактарыгар сонуннары атастаһыы, регионнар бэрэстэбиитэллэрэ араас аан дойдутааҕы тэрээһиннэргэ сөптөөх таһымнаахтык кытталларын хааччыйыы ыытыллыбыта.

Итини таһынан, Хотугу форум «Арктика киһитэ» саҥа бырайыагы киллэрдэ, онно арктическай зонаҕа киирсэр хотугу регионнар кыттыахтара. Бырайыак сүрүн сыалынан Арктика олоҕун хаачыстыбатын сыаналааһыҥҥа эрэллээх төрүттэри оҥоруу уонна ол түмүгүнэн Арктика олоҕун тупсарыыга быһаччы дьайыылар программаларын оҥоруу буолар.