Нам сэлиэнньэтигэр Саха Өрөспүүбүлүкэтин норуоттарын VI Спортивнай оонньууларын уота үөрүүлээх быһыыга-майгыга уматыллыар диэри ыйтан эрэ ордук кэм хаалла.

Бу күннэргэ улуус киинэ тутуу биир улахан баласааккатыгар кубулуйан үлэ күөстүү оргуйар. Күүстээх техниканы, үлэ аныгы тэриллэрин «айааһаабыт» араас омук уолаттара биир сыаллаах-соруктаах бары сатабылларын ууран, кыһаллан-мүһэллэн үлэлии-хамсыы сылдьаллар.

Сүрүн үлэ культурнай-спортивнай комплекска уонна стадиоҥҥа барар. Манна СУ-98 уонна «Адгезия» тэрилтэ тутааччылара күннэтэ хойуккааҥҥа диэри тиритэ-хорута үлэлииллэр.

Улуус киинин сэргэ «Сахабазальт» тутуу тэрилтэтэ Хамаҕаттаҕа арочнай спорт саалатын көҥдөйүн таһааран сылытар матырыйаалынан саба сылдьар.

Тутааччылар объектарын ыйыллыбыт болдьоххо туттарар бигэ санаалаахтар.

Виктор Эверстов хаартыскалара