"Спортка, физкультураҕа бэйэбит субъектпыт таһымыгар сөптөөх ситиһиилээхпит. Ол курдук, олимпийскай оонньууларга кыттабыт, аан дойду чемпионаттара буолуталыыллар. Спорт национальнай көрүҥнэрин сайыннарыыга олук уурар үтүө үгэстээхпит. Итини таһынан үөрэтиигэ-такайыыга ураты улахан болҕомтобутун уурабыт. Биһиги бу эйгэҕэ билиини биэрэ үөрэннибит эрээри, дьиҥнээх олоххо туһаныыга кэккэ кыһалҕалар бааллар", - диир президент. Маныаха билии-көрүү өссө күүһүрүөхтээҕэр кини тохтоото.

Егор Борисов Саха сиригэр бу тула сыралаһа, үлэлии, айа-тута кэлбит дьоҥҥо махтанна. "Физкультураны уонна спорду сайыннарыыга сыһыаннаах ханнык баҕарар боппуруоһу дьүүллэһэргэ, ырытарга бэлэммит. Ол иһигэр үөрэххэ сыһыаннаахха эмиэ. Биһиги эһигиттэн элбэххэ үөрэниэхпитин сөп, онтон эһиги - биһигиттэн", - диэн бэлиэтээтэ президент. 

Ассоциация киэҥ ыҥырыылаах мунньаҕа Дьокуускайга буола турар үөрэнээччилэр «Физическэй культура» специальноска XV-с бүтүн Россиятааҕы олимпиада чэрчитинэн ыытыллар . Тэрээһиҥҥэ үрдүк үөрэх тэрилтэлэрин, араас таһымнаах салайааччылары тэҥэ дойду араас муннугуттан үөрэнээччилэр хамаандалара кытта кэллэ.