Көрсүһүүгэ салгыы Алдаҥҥа хайыһардьыттары бэлэмниир Киин уонна Чурапчытааҕы физическэй культура государственнай институтун инники саөйдыыларын дьүүллэстилэр.

— Алдаҥҥа хайыһардьыттары бэлэмниир Киин — бу ураты спортивнай эбийиэк, - диэтэ Егор Борисов. — Россия сүүмэрдэммит хамаандатын чилиэннэрэ дьиҥнээх хаарга балаҕан ыйыттан ыам ыйыгар диэри дьарыктаныахтарын сөп. Ааспыт сыл алтынньыгар Россия хайыһарга уонна биатлоҥҥа хамаандалара Олимпиада-2014 бэлэмнэниигэ дьарыктанар хомуурдарын ыыппыттара. Саха сирэ Олимпиадаҕа бэлэмнэниигэ бэйэтин кылаатын киллэрбитиннэн киэн туттар. Инникитин Алданнааҕы Киин 2018 сыллаахха Соҕуруу Корея Пхенчаныгар ыытыллыахтаах Олимпийскай оонньууларга бэлэмнэнии федеральнай тирэҕэр кубулуйуоҕа.

Итини таһынан көрсүһүү кэмигэр 2016 сылга ыытыллыахтаах «Азия Оҕолоро» VI-с спортивнай оонньуулары ыытыыны, онно аналаах тутуулары дьүүллэстилэр.

— Саха сиригэр аныгы ытыалыыр тир наада, — диэтэ Егор Борисов. —Биһиги республикабытыгар оҕунан уонна пневматическай саанан ытыыны олус таптыыллар. Ити спорт көрүҥнэригэр биһиги ситиһиилэрдээхпит. "Азия Оҕолоро"-2016 сылга ити эбийиэк киирэҕэ диэн эрэллээхпит.