Бүтүн Россиятааҕы «Федерация Сэбиэтэ. 20 сыл» куонкурус кыайыылааҕынан «Якутия» республикатааҕы общественнай-политическай хаһыат кыайыылааҕынан ааттанна. РФ парламенын үрдүкү палататын үлэтин сырдатыы иһин хаһыат коллектива дипломунан уонна өйдөбүнньүк чаһыынан наҕараадаланна. Федерация Сэбиэтин бэрэссэдээтэлин бастакы солбуйааччы Александр Торшин «Сахамедиа» холдинг баһылыгарКирилл Алексеевка үөрүүлээх быһыыга-майгыга туттарда.

Республика «Далбар хотун» сурунаала, «Хотугу Кыым» Абый улууһун, «Эркээйи» Мэҥэ-Хаҥалас улууһун хаһыаттара уонна «Эркээйи» нууччалыы тылынан тахсар барыйаана, «Ленский вестник» «Якутск вечерний» хаһыаттар «Пресса көмүс фондата» бэлиэнэн уонна дипломунан бэлиэтэннилэр. «Пресса көмүс фондата» регионнар хаһыаттара бэйэлэрин билиһиннэрэр, сырдатар түһүлгэлэрэ.

Пресса быыстапкатыгар кыттар атын регион таһаарыыларын кытта тэҥнээтэххэ, биһиги Сахабыт сирин хаһыаттара, сурунааллара ис хоһоонунан да, тас көстүүтүнэн да атыттартан хаалсыбатын биһирии бэлиэтиэххэ сөп.