Конференцияҕа республика бастакы сүһүөх, о.д.а.тэрилтэлэриттэн барыта 53 делегат, ону таһынан Россия Уһук Илиҥҥэ бэрэстэбиитэлэ, тутулуга суох профсоюзтар федерацияларын сэкэритээрэ  Андрей Беляев, СР Конституционнай суутун председателэ Александр Ким-Кимэн, парламент вице-спикерэ Ольга Макиенко, правительство председателин солбуйааччылар  Александр Власов  уонна Александр Соловьев сырыттылар. 

Идэлээх сойуустар устааптарыгар уларытыылары уонна эбиилэри киллэрии уонна салайааччыны талыы конференция дьүүллэһиитигэр киирдэ.

Салайааччыны таларга Николай Дегтярев кандидатуратын делегаттар бары өйөөтүлэр.

2014 сыл муус устарыгар идэлээх сойуустар федерацияларын салайааччы, юридическай наука доктора Александр Ким-Кимэни Конституционнай суут председателин дуоһунаһыгар талбыттара.

Николай Дегтярев бу иннинэ сэттэ сыл устата Саха сирин үлэҕэ, социальнай сайдыыга министиэристибэтин салайбыта. 2014 сыл муус устарыгар идэлээх сойуустар федерацияларын салайааччытын солбуйааччытын э.т. анаммытын санатыахха сөп.