"2018 сылга, мин саныахпар, Кытайга гааһы экспортааһын саҕаланыаҕа. Ити кыһалҕа буолбатах", - диэтэ Иван Грачев.

"Маннык хардарыта сыһыаҥна хаһан баҕарар кистэлэҥ баар буолар. Бүгүҥҥү ааҕыынан тыһыынча кубометр иһин 350 доллар диэн сыана быстылар. Ааҕыы формулатын биһиги билиҥҥитэ билбэппит. Ол эрээри, нефть эквиваленыгар чугаһытыллан, Европа алын сыанатыгар сөп түбэһэр. Кириитикэлээччилэр арааһы эппиттэрин да үрдүнэн, Чайандатааҕы баайдаах сиртэн Хайкоуга диэри быһа холуйан, икки тыһыынча км. Ити Ямалтан Берлиҥҥэ диэриттэн икки бүк кэриҥэ кыра", - диэтэ кэмитиэт бэрэссэдээтэлэ.

"Таалакаан уонна Чайанда ыксалаһа тураллар. Мин онно сылдьыбытым, туох үлэ барбытын уонна бара турарын ситэри билсибитим. Нефть турбатын аттынан үчүгэй хаачыстыбалаах суолу туппуттар. Куттал суох буолуутугар тирэҕирэн, дьон-сэргэ ити суолунан сылдьарын, кэлэрин, барарын боболлор.

Хачайдыыр сиргэ турбаны тутарга ирдэниллэр барыта баар буолар. Кытайга диэри нефть турбатын тардарга туох да мэһэй, харгыс суох. Кытай Slon бырайыагынан 55 млрд. доллар диэбиттэриттэн мин соһуйбутум. Турба эрэ туһунан этиллэр буоллаҕына, ити аһара үрдүк сыана. Баҕар, контракка гааһы эрдэттэн сепарация (газохимия) киирэ сылдьара буолуо. Оччотугар бу олус барыстаах бырайыак. Газ, нефть кластерын таһынан газохимическэй инникибит үөскэтиллэр", - диир Иван Грачев.

"Россия уонна Кытай үптэригэр-харчыларыгар инникитин Кореяҕа уонна Японияҕа гааһы тиэрдэр турба тутуллар. Олус барыстаах уонна туһалаах бырайыак. Маны  сэмэлээччилэр кыһалҕаны аһара дарбаталлар, үлүннэрэллэр.

Таалакааҥҥа уонна Чайандаҕа баар кыһалҕалар майгыннаһаллар. Бу сирдэр гаастарын переработкалаабакка эрэ, тиийиэхтээх сиригэр ыытыахха сөп. Европа сыаната биһиэхэ барыһа суох. Кытайга үчүгэй хаачыстыбалаах гааһы ыытыахпыт, оттон Кытай газохимия иһин сыана олохтоон биһиэхэ төттөрү атыылыыр балаһыанньата үөскүөн эмиэ сөп. Онон гааһы переработкалааһыны анаан дьүүллэһиэхтээхпит", - диэтэ Иван Грачев.