ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
1 июля 2014, 19:06

Cуруйааччы сойууһугар саҥа чилиэннэри ыллылар!


Поэттар Зинаида Архипова уонна Александр Тарасов, прозаик Данил Макеев, Национальнай библиотека историческай саалатыгар, үөрүүлээх быһыыга-майгыга Саха сирин Суруйааччыларын сойууһун бэрэссэдээтэлэ, народнай поэт Наталья Харлампьева илиититтэн билиэттэри туттулар.

Бэс ыйын 27 күнүгэр, үс саха литератора Россия Суруйааччыларын сойууһун ол эбэтэр, Саха сирин Суруйааччыларын сойууһун чилиэнинэн киирдилэр.  Онон саха саарына Былатыан Ойуунускай төрүттээбит айар холбоһуга төрүттэммитэ 80 сылын көрсө үс саҥа чилиэнинэн эбилиннэ.

Кинилэр тустарынан кылгастык билиһиннэрдэххэ, Амма улууһуттан төрүттээх поэтесса Зинаида Архипова – идэтинэн суруналыыс, кинигэ таһаарааччы, “Аэропорт Якутск” сурунаал кылаабынай редактора, “Тыл кыһата” айар холбоһук “Тусаһа” поэтическай салон бырайыагын салайааччы. Уус-Алдан улууһун Тиит Арыы нэһилиэгиттэн төрүттээх прозаик Данил Макеев –  “Чолбон” сурунаал кылаабынай редакторын солбуйааччынан үлэлиир. Оттон Горнай улууһун Солоҕон нэһилиэгиттэн төрүттээх кырдьаҕас учуутал, улуустааҕы “Сыккыс” литературнай түмсүү чилиэнэ, поэт Александр Тарасов сааһын тухары тыа сиригэр олордор да, айар үлэттэн илиитин араарбакка суруйар чиккэ дьонтон биирдэстэрэ.

Россия Суруйааччыларын сойууһун “буруолуу сылдьар” чилиэннэрин Москваттан кэлбит биир идэлээхтэрэ – Россия Суруйааччыларын сойууһун приемнай хамыыһыйатын эппиэттээх сэкэритээрэ, оҕо суруйааччыта Светлана Вьюгина уонна поэт Иван Тертычнай эҕэрдэлээтилэр. Ону сэргэ, сүбэ-соргу тылларын, алгыстарын биир идэлээхтэрэ – “Чолбон” сурунаал кылаабынай редактора, П.А.Ойуунускай аатынан государственнай бириэмийэ лауреата Урсун, СӨ Духуобунаска академиятын академига, биллиилээх драматург Баһылай Харысхал уонна “Тыл кыһата” айар холбоһук кыттыылаахтара эттилэр.

Россия үрдүнэн биллэриллибит Культура сылын көрсө, өрөспүүбүлүкэ айар эйгэтигэр маннык саҥа ситиһиилэр кэлэн иһэллэрэ кэрэхсэбиллээх. Саҥа суруйааччыларыгар айымньылаах аартыктара арылыннын!

 

Гаврил Андросов, Саха сирин Суруйааччыларын сойууһун бэрэссэдээтэлин солбуйааччы.

 photoByWidth&id=8033&width=1000photoByWidth&id=8034&width=1000

При частичном или полном использовании материалов гиперссылка на сайт ysia.ru обязательна.
Категория: Культура Просмотров: 1811 Источник: Газета "Саха Сирэ" Автор: Гаврил АНДРОСОВ Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ