Уус-Маайа улууһа кэтэх дьиэни тутууга куһаҕана суох көрдөрүүлээх. Ол курдук, 2012 сылга 975 кв м иэннээх олорор дьиэ тутуллубут эбит буоллаҕына, бу көрдөрүү 2013 сылга 2297 кв м диэри тиийдэ.

Эргэ, саахаланнар кутталлаах дьиэлэртэн дьону көһөрүү көрдөрүүтэ эмиэ үчүгэйдэр ахсааннарыгар киирсэр. Эргэ дьиэлэртэн дьону саҥа 12 квартиралаах дьиэлэргэ быйыл көһөрүөхтэрэ. Үс сылга 385 киһини (195 дьиэ кэргэни) дьиэлиэхтэрэ.

Бюджет эйгэтин үлэһиттэрэ, эдэр уонна эллбэх оҕолоох ыаллар дьиэлэрин усулуобуйатын хайдах гынан тупсарыахтарын билбэттэр. Дьон 10-15 сылга болдьохтоох ипотека кредитин ылыан, онно бастакы усунуоһу төлүүргэ государствоттан өйөбүлү ылыан, кооперциялаһан дьиэ туттуон сөбүн туһунан билбэттэр.

Егор Борисов муниципальнай былаас уорганнара киэҥник сырдатар үлэни ыытыллараыгар бырабыыталыстыба, министиэристибэлэр уонна биэдэмистибэлэр салайааччылара көмөлөһөллөрүгэр сорудахтаата. Хаһаайыстыба тэринээччилэр хайдах субсидия ылыахтарын сөбүн, дьиэни тутууга, предпринимательствонан дьарыктаныыга туох өйөбүл баарын, о.д.а. тустарынан дьон билиэхтээҕин Егор Борисов чиҥэтэн эттэ.