"Күрэхтэһии сеткатын, күүстээх утарсааччылары ааҕыстахха, дьоһуннук туһуннуҥ. Кубинец Йовлис Бонны кытта бастаан утаа тэҥҥэ иһэн, көрүөх бэтээрээ өттүгэр кыайдыҥ. Маны мин "Дохсуҥҥа" буолбут онлайн-трансляцияҕа бэлиэтии көрбүтүм", - диэтэ Егор Борисов.
Егор Борисов тустуук соругун сиппитин – Олимпиадаҕа кыттар чиэскэ тиксибитин, Виктор кыайыыга дьулуурун, тустар техникатын хайҕаата, ойуччу тутан бэлиэтээтэ.
"Биһиэхэ үчүгэй, кыайыыга дьулуурдаах хамаанда сүүмэрдэннэ. Кинилэр кыахтара баарынан туһуннулар, мэтээллэри да ыллылар. Икки "кыһыл көмүс" мэтээллэннибит, хамаанданан бастаатыбыт ", - диэтэ аан дойду икки төгүллээх чемпиона Виктор Лебедев.
Чилиттан, Кубаттан, Францияттан уонна Хотугу Кореяттан күрэхтэһиигэ кыттыбыт, улахан уопуттаах, ааттаах-суоллаах тустууктары кытта Саха сирин бөҕөһө күрэстэспитэ, тургутуһан көрбүтэ. Виктор Лебедев Иран спортсмена Хасан Рахимига 0:5 ахсаанынан хотторбута.
Комментарии
Авторизация на сайте через социальные сети