«Амур күһүнэ» бүтүн Россиятааҕы фестивалга муҥутуур кыайыылаах аатын Владимир Щегольков «С пяти до семи» киинэтэ ылла.
Фестиваль Амур уобалаһыгар балаҕан ыйын 12-20 күннэригэр буолла. «Кыһыл көмүс туруйа» статуетка иһин барыта 12 толору метражтаах киинэ кытынна.
Саха сирэ «Государство оҕолоро» (режиссер Александр Лукин) киинэнэн кытынна уонна бастыҥ аан маҥнайгы тахсыы бириэмийэтинэн наҕараадаланна.
«Эр киһи бастыҥ оруола» аат Алексей Гуськовка иҥэрилиннэ («Находка» киинэ). «Дьахтар бастыҥ оруола» ааты Агриппина Стеклова ылла («Инсайт» киинэ) «Клинч» киинэни устубут режиссер Сергей Пускепалис фестиваль «Кыһыл көмүс туруйа» статуетакатын туттардылар. Бастыҥ операторынан Петр Духовскай ааттанна («Инсайт» уонна «От пяти до семи» киинэлэр). Кирилл Белевич «Единичка» киинэтэ ылла.
Кытай кинематографиһа режиссера Цзян Лю«Откройте ваше окно» айымньыта «Кыһыл көмүс туруйанан» наҕараадаланна.
Комментарии
Авторизация на сайте через социальные сети