«Чэбдиктэр» саастаах дьоҥҥо бальнай үҥкүүнү көрдөрдүлэр. Кинилэри үтүктэн олохтоохтор үҥкүүлээн тэйдилэр. Ону сэргэ Варвара Григорьевна сүһүөхтэргэ күннэтэ оҥоһуллуохтаах сэрээккэни кэпсии-кэпсии көрдөрдө, маастар-кылаас ыытта. Кэлбит дьон олус астыннылар.
Дуобакка спорт маастарыгар кандидат С.П. Васильев сеанс ыытта. Онно элбэх киһи бэйэтин күүһүн холонон көрдө. Олортон арай биир эрэ киһи - дуобакка разрядтаах А.А. Афанасьев тэҥнэһэн үөрдэ-көттө.
Хаалыктаах хаамыыга эмиэ маастар-кылаас тэриллэн ыытылынна.
«Чэбдик» кулууп чилиэннэрэ бу курдук тиһигин быспакка, улууспут нэһилиэктэригэр сылдьан, нэһилиэнньэ ортотугар чөл олоҕу пропагандалыахтара.
Комментарии
Авторизация на сайте через социальные сети