Ол курдук, физика кылааһын муостата уларыйда, эбии буор кутулунна. Маҥнайгы кылаас үөрэнээччилэрэ үөрэнэр хосторун хара муостата уларыйда, сиҥнибит сирэ көннөрүлүннэ.
Маны тэҥэ оскуола ис былаанын уларытыыга кырата суох үлэ ыытылынна. Дириэктэр хоһо буолан турбут кабинекка быйылгы үөрэх дьылыттан завуч, социальнай педагог үлэлиэхтэрэ. Оттон дириэктэр хоһо техническэй хос аҥаарыгар быһыллан, иһэ саҥардылынна. Бу иннинэ биология уонна химия анал кылаастара суох эбит буоллаҕына, учууталлар хосторо буолан турбут кабинеты ФГОС ирдэбилигэр эппиэттиир гына оҥорон, үөрэнээччилэр быйылгыттан саҥа кылааска үөрэниэхтэрэ. Маны сэргэ психологка уонна медиккэ туспа хос быһылынна.
Спорт саалатын өр кэмҥэ өрөмүөннэммэккэ турбут тимир лиис бүрүөһүннээх үрдүтүн итиэннэ былырыын тимир турбаларынан оҥорбут күрүөлэрин кырааскалаатылар. Бу үөһэ этиллибит үлэни эдэр үлэһиттэр — оскуола хаһаайыстыбаннай чааска сэбиэдиссэйэ Василий Ефимов, физкультура учуутала Фёдор Колесов, харабыл Игнат Третьяков уонна рабочай Аркадий Васильев толордулар.
Комментарии
Авторизация на сайте через социальные сети