Үөрүүлээх тэрээһини улуус дьаһалтата, спорт управленията иилээн-саҕалаан тэрийдилэр. Өрөгөйдөөх эҕэрдэ тылларын Чурапчы улууһун баһылыга А.Т. Ноговицын, сэлиэнньэ баһылыга С.А. Саргыдаев, нэһилиэк баһылыктара, тэрилтэ салайааччылара, институт коллектива эттилэр. Бу дьоро тэрээһин маанылаах дьонунан буоллулар.
Норуоттар икки ардыларынааҕы гроссмейстер Матрена Ноговицына быйылгы сыллаахха аан дойду чемпиона буолары ситистэ. Оҕунан ытыы курдук уустук көрүҥҥэ Россия кубогар 3 миэстэни Михаил Филатов, буулдьанан ытыыга Россия чемпионун үрдук аатын Николай Миронов, Арменияҕа ыытыллыбыт масс-рестлинг көрүҥэр Аан дойду кубогын чемпионынан Василий Алексеев, масс-рестлинг курдук көрүҥҥэ Саина Седалищева аан дойду курэҕэр дьахталларга чемпион үрдүк аатын, уонна эмиэ бу көбүөргэ Татьяна Дьячковская призер аатын ситистэ.
Аан дойду таһымыгар ыытыллыбыт ветераннарга Көҥүл тустуу көбүөрүгэр призер урдук аатын ылбыт Сергей Ноговицын ааттара бу киэһэ ааттанна.
Улууспут аатын сыралаах, уустук спорт курдук көрүҥҥэ киэн дойду таһымыгар ааттаппыт спортсменнарбытыгар үгүс баҕа санаа этилиннэ, сыаналаах бэлэхтэр туттарылыннылар.
Комментарии
Авторизация на сайте через социальные сети