ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
24 августа 2015, 16:22

ЗЭС директора Сунтаарга сылдьан баар кыһалҕалары миэстэтигэр билистэ


Соторутааҕыта улуус баһылыга А.В.Григорьев ыҥырыытынан ЗЭС АК ААУо директора И.В.Забегин Сунтаарга кэлэн, улуустааҕы РЭС кылаабынай инженерэ Ю.В.Возненконы кытта объектары көрдүлэр.

Устье нэһилиэгин баһылыга А.И.Попову кытта уот ситимин саҥардыы, күүрүүтүн күүһүрдүү боппуруостарын дьүүллэстилэр. Ол кэнниттэн биир киэн туттар чааһынай тэрилтэбит - “Тещин язык” салайаччыта В.Н.Ващенконы кытта көрсүһэн, уокка холбонуу кыһылҕатын билистэ. Миэстэтигэр тиийэн дэлээнэни көрөн, үөрэтэн баран, Сунтаардааҕы РЭС кылаабынай инженерэ Ю.В.Возненколыын оҥоһуллуохтаах үлэ кээмэйин быһаарыстылар.

Салгыы «Вид» ХЭУо салайааччыта В.И.Яковлевы кытта көрсөн кэпсэттэ. Тэрилтэ 24 квартиралаах уопсай дьиэни тута сылдьар. Салайааччы эппитинэн, уот мөлтөҕүттэн үлэҕэ ыарахаттары көрсөллөр эбит. ЗЭС ААУо АК директора И.В.Забегин уот линиятын, подстанциятын көрөн баран, атыннык дьаһаннахха кыаллыан сөп, онно үлэлэһиэхпит диэн хоруйдаата.

Н.П.Герасимова тутулла турар кондитерскай сыах үлэҕэ киирдэҕинэ, уот күүрүүтүн күүһүрдэр санаалааҕын эппитигэр, ЗЭС салайааччыта бу боппуруос уустук буолуоҕун, ол эрээри көмөлөһөргө бэлэмин эттэ.

Сунтаардааҕы РЭС кылаабнай инженерэ Ю.В.Возненко өссө биир кыһалҕатын аҕынна: быйыл федеральнай трассаны кыйа уот линиятын баҕанатын туруортарыахтаахтарын, «Сунтаар Автадор» ХЭУо көҥүл биэрбэккэ, үлэни атахтаабыт эбит.

Бу сырыы түмүгүнэн улуус баһылыга А.В.Григорьев нэһилиэнньэ кыһалҕатын чугастык ылынан, атырдьах ыйын 25 күнүгэр «төгүрүк остуол» ыытар наадатын бэлиэтээтэ. Тоҕо диэтэххэ, бу күннэргэ «Вилюй» ФГУ салайааччыта Н.И.Андреев кэлэр, онон ЗЭС АК ААУо директора И.В.Забегиҥҥэ ити былааннаммыт «төгүрүк остуолга» кэлэн бу боппуруоска кэпсэтиһиэххэ диэн этии киллэрдэ.

Тимур ИВАНОВ, улуус баһылыгын көмөлөһөөччү

При частичном или полном использовании материалов гиперссылка на сайт ysia.ru обязательна.
Категория: Территория Просмотров: 694 Источник: ЯСИА Автор: СИА Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ