- Бухгалтер идэлээх Елена Васильевна Өлүөхүмэ улууһун Хоро нэһилиэгиттэн төрүттээх. Кэргэнин Павел Неустроевы көрсөн, ыал буолан Алтаҥҥа олохсуйбута 46 сыл буолбут. Түөрт үрдүк үөрэхтээх оҕолоро улаатан туспа барбыттара ырааппыт.
- -- Билигин биэнсийэҕэ олоробун. 2013 сыллаахха норуот маастара буолбутум. Дьокуускайга уонна атын да сирдэргэ буолар быыстапкаларга мэлдьи кыттабын. Мандар Уус кинигэтиттэн оһуордары көрөммүн этэрбэс, чаппараах, бэрэстээҥки, суумка биитэ тигэрбэр туһанабын, -- диир Елена Васильевна.
- Бэйэтэ туспа буочардаах, суоллаах-иистээх норуот маастара араас үрдүк таһымнаах быыстапкаларга кыттан, аата-суола киэҥ сиринэн биллибит. Саха чаппараагын тикпитэ Москваҕа буолбут улахан быыстапкаҕа биһирэммит.
- Елена Неустроева мындыр, үрдүк маастарыстыбалаах үлэлэрэ киһиэхэ истиҥ иэйиини, үтүө санааны саҕаллар, дууһаны үөрдэллэр.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети