ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
30 октября 2015, 15:00

Намҥа ыты иитиини бэрээдэктээһин


Ыт — киһи түөрт атахтаах саамай бастыҥ доҕоро. Кинитэ суох тыаҕа тахсыбатах даҕаны көнө. Ыт барахсан сүүрэн-көтөн, ирдээн, үүрэн аҕалан хаһаайынын бултатар буоллаҕа. Олбуорга көрүүгэ-истиигэ туран эрэх-турах харабыл буолар. Ол эрэн, дьэллик ыттар элбээн дьону, ньирэйдэри, кулунчуктары ытыраллара элбээн иһэр.

Ыт маннык олоххо тиийбитигэр, бастатан туран, дьон бэйэбит буруйдаахпыт. Хаһаайыннара бырахпатахтара, көрөллөрө-истэллэрэ буоллар, кинилэр тоҕо уулуссаны кэрийэ сылдьыахтара этэй? Кыбартыыраҕа даҕаны, чааһынай дьиэҕэ даҕаны аанньа көрбөт-харайбат дьон ыттаммыттара төрөөн-ууһаан баран бэйдиэ бараллар.

Бэйдиэ сылдьар, дьоҥҥо кутталы үөскэтэр ыттары харайар сыалтан СР правительствотын 2015 сыл балаҕан ыйын 10 күнүнээҕи 997-р №-дээх "О проведении двухмесячника по регулированию численности безнадзорных животных на территории Республики Саха (Якутия)" (вместе с "Планом мероприятий по организации двухмесячника по регулированию численности безнадзорных животных на территории Республики Саха (Якутия) с 15 сентября по 15 ноября 2015 года" дьаһала тахсан араас хабааннаах үлэлэр бүтүн республика үрдүнэн ыытылла тураллар. Ол курдук, алтынньы 27 күнүгэр Нам улууһун административнай комиссятын председателэ Дмитрий Жирков, «Ленскэй нэһилиэк» МТ тыатын хаһаайыстыбатын специалиһа Саргылана Винокурова, Нам улууһун государственнай ветеринарнай инспектора Павел Николаев, ветеринарнай быраас Мария Федорова буолан комиссия тэринэн Ленскэй нэһилиэк Нэлэгэр микрорайонун уулуссаларынан сылдьан, баайыта суох бэйдиэ сылдьар ыттары көрө бара сырыттылар. Сорох дьиэлэргэ киирэн ыттара тоҕо баайыыта суоҕун, регистрациятын, вакцинация туруортарбыттарын бэрэбиэркэлээтилэр, ыт иитээччилэргэ быраабыланы тутуспатахтарга эппиэтинэскэ тардыллалларын санатан туран сэрэтии биэртэлээтилэр. Озернай уулуссаҕа муннукка турар, олбуора суох дьиэҕэ «боруода» ыт босхо сылдьарыгар болҕомто уурулунна.

П.В. Николаев, Нам улууһун государственнай ветеринарнай инспектора: «Правительства дьаһалынан балаҕан ыйын 15 күнүттэн сэтинньи 15 күнүгэр диэри көрүүтэ-истиитэ суох бэйдиэ сылдьар ыттары бэрээдэктиир үлэ ыытылла турар. Ол чэрчитинэн рейдэлэр ыытыллаллар. Бу курдук үлэ сылга иккитэ ыытыллар — саас уонна күһүн. Быйыл 2 Хомустаахха, Граф Биэрэгэр, Кыһыл Дэриэбинэҕэ, Модукка, Партизаҥҥа, Көбөкөҥҥө, Фрунзеҕа сылдьыбыппыт, Ленскэй нэһилиэккэ хаста да сырыттыбыт. Бу сылга — барыта 23 протокол толорулунна. Ол курдук, ыт босхо сылдьырыгар Саха республикатын административнай бэрээдэги кэһии кодексын 5.1 ыст. 1ч. - 13 протокол уонна вакцинация туруоттарбатахтарын иһин 5.3 ыст. 2 ч. - 10 протокол.

Ыт иитэ ыллахха 2 ыйа буоллаҕына олохтоох ветеринарнай пууҥҥа кэлэн хайаан да ииримтийии утары быһыы ыллаттарыахтаахтар. Ииримтийии олус кутталлаах ыарыыга киирэр, онон Федеральнай бюджеттан үбүлэнэн вакцинация босхо оҥоһуллар. 3 ыйыгар регистрациялатан паспорт ылыахтаахтар. Сыл аайы кэлэн бэлиэтэниэхтээхтэр, вакцинация туруоттарыахтаахтар».

При частичном или полном использовании материалов гиперссылка на сайт ysia.ru обязательна.
Категория: Территория Просмотров: 788 Источник: ЯСИА Автор: Семен Аргунов Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ