- Бу күн эбиэккэ диэри миниистир Алексей Колодезников салайааччылаах бөлөх Үөһээ Бэстээх уонна Мохсоҕоллоох бөһүөлэгин уу соппулуотугар (водозаборга), ИК-3 уонна Покровскай куорат хочуолунайдарыгар сырытта. Иккис бөлөх Хаҥалас улууһун нэһилиэктэрин баһылыктарын кытта «2014-2016 сс. нэһилиэнньэлээх пууннары тупсарыыга үс сыллаах былааҥҥа муниципальнай тэриллиилэргэ ыытыллар үлэлэр көрдөрүүлэринэн государственнай өйөбүлү оҥоруу ороскуотун уонна кыттыгас үбүлээһин туһунан куонкурус түмүктэрэ» диэн «төгүрүк остуолу» тэрийэн ыытта.
- Күн иккис аҥаарыгар коллегия дьүүллэһиитигэр «Ханалас улууһугар олорор дьиэ-уот уонна энергетическэй комплекс кыһалҕалара уонна туруктара» дакылааты улуус баһылыга Г.Ю. Алексеев, «Олоҕу-дьаһаҕы хааччыйар объектар туруктара уонна өҥөнү оҥоруу сабардамын уонна хаачыстыбатын тупсарыы соруктара» тиэмэҕэ иһитиннэриилэри ОДьКХ Хаҥаластааҕы филиалын дириэктэрэ А.С. Захаров, «Хаҥаластааҕы Газстрой» дириэктэрэ Ю.Г.Беца, «Хаҥалас улууһугар олорор дьиэ-уот коммунальнай хаһаайыстыба сайдыытын кэскиллэрэ» дакылааты ОДьКХ миниистирин бастакы солбуйааччы Г.П. Левин оҥордулар. Ити кэнниттэн киэҥ дьүүллэһии буолла.
- Коллегия түмүгүнэн тустаах министиэристибэлэри уонна тэрилтэлэри кытта үлэлииргэ уураах ылыннылар.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети