- Ыал аҕата Прокопий Иннокентьевич 1945 сыллаахха Сэбиэскэй армия кэккэтигэр сулууспаҕа ыҥырыллыбыта, Япония милитаристарын утары сэрии кыттыылааҕа.Ол туоһутунан „За Победу над Японией“ мэтээлэ буолар. Ефрейтор чыыннаах 1951 сыл сааһыгар дойдутугар эргиллибитэ.
- 1955 сыллаахха Чыамайыкыга Дария Алексеевна Куприяновалыын билсиһэн холбоспуттара. Прокопьевтар Чакырга олохсуйан 9 оҕону төрөтөн, күн бүгүн хос сиэннэр тапталларын билэн быр-бааччы олороллор.
- Прокопьевтар дьиэ кэргэн үлэни өрө туппут ыал. Иккиэн оҕо саастарыттан араас үлэҕэ сылдьыбыттара. Прокопий Иннокентьевич 24 сыл колхозка, 26 сыл „Амма“ совхозка бастыҥ үлэһитинэн биллэрэ. Ыал ийэтэ Дария Алексеевна 40-тан тахса сыл үлэ ыстаастаах. Элбэх оҕолоох ийэ буоларынан „Ийэҕэ Албан аат“ уордьан кавалера.
- Сиэннэр, хос сиэннэр эбээлээх эһээлэригэр кэлэ-бара тураллар. Кинилэр үтүө холобурдарынан үлэни, олоҕу таптыырга үөрэнэллэр.
- Бу күннэргэ Прокопьевтарга республика бастыҥ ыалларын Бочуотун кинигэтигэр киллэриллибиттэрин туоһулуур сибидиэтэлистибэни үөрүүлээх быһыыга туттардылар. Ытык ыалларга өссө да уһуннук, дьоллоохтук олороллоругар баҕардылар.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети