ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
21 декабря 2015, 12:28

Уус-Алдаҥҥа Николай Неустроев айымньыларын толорууга үөрэнээччилэр куонкурустара буолла

Саха литературатын төрүттэспит, саха норуотун бастакы комедиограба Николай Денисович Неустроев төрөөбүтэ 120 сылыгар аналлаах бэртээхэй киэһэлэр Уус-Алдан улууһугар ураты сэргэхтик буолан аастылар. Бу туһунан биһиэхэ улуустааҕы киин библиотека директора Варвара Окоемова иһитиннэрдэ.

photoByWidth&id=52641&width=1000

Бастатан туран, Былатыан Ойуунускай аатынан Саха академическай драматическай театрын артыыстара тыа сирин олохтоохторугар Николай Неустроев «Тиэтэйбит» комедиятын көрдөрөн, дьону-сэргэни улаханнык сэргэхсиппиттэр. Улахан сцена артыыстарын ыалдьыттааһыннара манан түмүктэммэтэх. Кинилэр «Театр – оҕолорго» программа чэрчитинэн оскуолаларга ыалдьыттаабыттар, учууталлары уонна үөрэнээччилэри кытта атах тэпсэн олорон ирэ-хоро сэһэргэспиттэр, ыйытыыларга хоруйдаабыттар.

Маны сэргэ Бороҕон орто оскуолатыгар сылдьан Н.Неустроев айымньыларын толорууга ыытыллыбыт куонкуруһу көрбүттэр-истибиттэр. Бу күн ыалдьыттар «Кукаакы кулуба», «Тар», «Куһаҕан тыын» айымньылары астына-дуоһуйа  көрбүттэр. Түмүккэ, куонкурус кыайыылаахтарыгар уонна бары кыттааччыларга ытыс тыаһыгар доҕуһуоллатан махтал суруктар туттарыллыбыттар.

Төрөппүттэр, оскуола коллектива уонна үөрэнээччилэр маннык тэрээһин сыллата тиһиктээхтик ыытылларыгар баҕараллар, ыраахтан кэлбит ыалдьыттарга махтаналлар.

При частичном или полном использовании материалов гиперссылка на сайт ysia.ru обязательна.
Категория: Общество Просмотров: 589 Источник: ЯСИА Автор: Сардана Баснаева Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ