Александр Горохов эппитинэн, эмп тэрилтэлэрин материальнай-техническэй хааччыллыыларыгар ураты улахан болҕомто ууруллуоҕа.
"Кэтэх уонна государственнай хардарыта дьайсан үлэлээһин чэрчитинэн фельдшердээх, акушердаах 7 пууну быйыл тутуохпут. Маныаха анаммыт тустаах бырагыраама бу сыл ортотуттан ыла күүһүгэр киирдэ. 2-3 сыл устата тыа сирдэригэр доруобуйа харыстабылын 100 эбийиэгин тутуохпут ", - диэтэ миниистир.
"Земскэй фельдшер" бырагыраама туһунан миниистир кэпсээтэ. Ол курдук, Уһук Хоту уонна Арктика оройуоннарыгар үлэлии барар медиктэр 700 тыһ. солк. кээмэйдээх көмөнү ылыахтара. Итини таһынан медицинскэй каадырдары олохсутуу бэрээдэгэ бырагыраамаҕа киирэ сылдар.
Комментарии
Авторизация на сайте через социальные сети