ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
10 августа 2015, 16:30

Тыа хаһаайыстыбатын исписэлиистэрин өрөспүүбүлүкэтээҕи бастакы сүлүөттэригэр


Атырдьах ыйын 6-7 күннэригэр Хаҥалас улууһугар, «Орто Дойду» туристическай комплекс сиригэр-уотугар тыа хаһаайыстыбатын исписэлиистэрин өрөспүүбүлүкэтээҕи 1-кы сүлүөттэрэ буолла.
photoByWidth&id=41587&width=1000
Сүлүөккэ 24 улуустан 270 киһи кыттыыны ылла. Бу иннинээҕи күн миниистири солбуйааччы Н.С.Афанасьев, туораахтаах култуураны, оҕуруот аһын үүннэриигэ департамент салайааччыта А.М.Семенов, эт-үүт департаменын салайааччы А.К.Андреев сэминээрдэри ыыттылар.
Сүлүөт кыттыылаахтара Тыа хаһаайыстыбатын Саха сиринээҕи научнай-чинчийэр институтун уопуту оҥорор учаастактарыгар экскурсияларга сырыттылар. Маны сэргэ спортивнай күрэхтэһиилэр, араас куонкурустар буоллулар.
photoByWidth&id=41588&width=1000
Сүлүөккэ тыа хаһаайыстыбатын миниистирэ А.Е.Артемьев сырытта уонна киэҥ ис хоһоонноох тыл эттэ.
Нэһилиэктэргэ ыытыллар тыа хаһаайыстыбатын үлэтэ барыта бу эһигиттэн, сүлүөт кыттыылаахтарыттан, тутулуктаах. Тыа хаһаайыстыбатын эйгэтин өйдөөн-өйөөн Ил Дархан, СӨ Бырабыыталыстыбата, Ил Түмэн дьокутааттара санкциянан сибээстээн, тастан киирэр боодууксуйалары солбуйар аһы-үөлү оҥорорго 1 260 мөл. солк. эбии көрдүлэр. Онон барыта 10 млрд солк. үп тыа хаһаайыстыбатыгар көрүллэн, биһигиттэн, тыа хаһаайыстыбатын үлэһиттэриттэн, үлэни-көрдөрүүнү ирдииллэр уонна кэтэһэллэр, - диэтэ сүлүөт кыттыылаахтарыгар туһаайан, уонна алтынньы ыйга ыытыллыахтаах тыа хаһаайыстыбатын биэрэпиһигэр көхтөөхтүк кытталларыгар ыҥырда. Кэлэр сылтан миэстэтигэр үлэни тупсарар сыалтан, тыа хаһаайыстыбатын исписэлиистэригэр аттестация ыытыллыахтааҕын тоһоҕолоон бэлиэтээтэ.
photoByWidth&id=41589&width=1000
Тыа хаһаайыстыбатын управлениеларын салайааччылара бэйэлэрэ түмсүүлээхтэр. Ити түмсүү ылыммыт дьаһалынан бу сүлүөт буолла. Тыа хаһаайыстыбатын управлениеларын салайааччыларын ассоциациятын бэрэссэдээтэлэ, Мэҥэ-Хаҥалас улууһунааҕы тыа хаһаайыстыбатын управлениетын салайааччы Иван Аргуновтан уопсастыбаннай түмсүүлэринтуһунан ыйыталастым:
- Түмсүүбүт туһунан этэр буоллахха, тыа хаһаайыстыбатын сайдыытыгар туһалаах, көмөлөөх буоллун диэн тэрийбиппит. Инникитин олорон хаалбакка, үүтү-эти оҥорууга, тыа сирин дьоно-сэргэтэ үптээх-астаах, дохуоттаах буоларыгар күүскэ үлэлэһиэхпит.
photoByWidth&id=41590&width=1000
Тэрээһиҥҥэ кэлбит дьон баһыйар үгүстэрэ - эдэр ыччат. Тыа сирин олоҕо-дьаһаҕа кэскиллээх илиигэ баарын үөрэ көрдүм. Үлэ дьоно мустан кэпсэтэн-ырытыһан, бэйэлэригэр саҥа кирбиилэри бэлиэтэннилэр, сыал-сорук туруоруннулар.
Аны икки сылынан Нам сиригэр, Эҥсиэли хочотугар түмсэргэ сүбэлэһэн тарҕастылар. Улууспут тыатын хаһаайыстыбатыгар департамена (салайааччы Иринеев О.В.) тэрээһин үрдүк таһымнаахтык барарыгар бары кыһамньытын ууран тэрийсибитин бэлиэтиир наада.
При частичном или полном использовании материалов гиперссылка на сайт ysia.ru обязательна.
Категория: Территория Просмотров: 706 Источник: ЯСИА Автор: Иван Уйгуров Изображение: Иван Уйгуров Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ