Онно Саха Өрөспүүбүлүкэтин культураҕа уонна духуобунаска сайдыытын министрин солбуйааччы В.В. Левочкин, Үҥкүү театрын директора А.И. Алексеев, Горнай улууһун культураҕа управлениетын начальнига Т.Н. Кесарева, Раиса Яковлевна биир дойдулаахтара, оскуолаҕа бииргэ үөрэммит доҕотторо, дьүөгэлэрэ Т.И. Березина, А.И. Бандерова, А.А. Алексеев, Раиса Яковлевна чугас дьоно, уо.д.а. Раиса Яковлевна сырдык аатыгар кэлэн сүгүрүйдүлэр.
Раиса Яковлевнаҕа анаан олус истиҥ тыллар этилиннилэр. Тыл эппиттэр норуот тапталлаах ырыаһытын сырдык аатын үйэтитиигэ кини аатынан ырыа күрэһин тэрийэн ыытарга, кини төрөөбүт дойдутугар Солоҕоҥҥо Раиса Яковлевна аатынан Духуобунас киинин тутарга, Дьокуускай куоракка Карл Маркс аатынан сквергэ Саха сирин народнай артыыстарыгар анаан ыскамыайкалаах аллея оҥорорго этии киллэрдилэр. Суруналыыс Георгий Белоусов Раиса Яковлевна туһунан киинэ бэлэмнии сылдьарын эттэ.
Өйдөбунньүк мэҥэ тааһы Россия Худуоһунньуктарын союһун чилиэнэ, СӨ искусствотын үтүөлээх деятелэ, монументалист-скульптор Е.П. Оготоев оҥордо. Театр коллектива Егор Петровичка улахан махталын тиэрдэр.
Комментарии
Авторизация на сайте через социальные сети