ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
29 июля 2015, 14:43

Мэҥэ-Хаҥалас улууһун III Мэлдьэхси нэһилиэгэр үөрэхтээһин 125 уонна Улуу Кыайыы 70 сылларыгар саҥа чочуобуна тутулунна


От ыйын 24 күнүгэр Мэҥэ-Хаҥалас улууһун Томтор нэһилиэгэр саҥа чочуобунаны Дьокуускайдааҕы епархияттан Семен аҕабыт тахсан сибэтии гынна.

Томтор нэһилиэгин кырдьаҕастарын сэбиэтэ (салайааччы Варвара Макарова) көҕүлээһининэн, дьаһалта баһылыга Мирон Свинобоев үп-харчы тыыран тутуу ыытылынна.

Чочуобунаны тутууга нэһилиэк ыччаттара Спиридон Пономарев, Степан Слепцов, Аркадий Свинобоев, Спартак Николаев, Иннокентий Олесов үлэлэстилэр. Куполун, кириэһин ылыыга Дьаҥхаады нэһилиэгин дьаһалтата көмөлөстө. Тутуу бырайыагын Дьокуускайдааҕы епархия торумнаата.

III Мэлдьэхси нэһилиэгэр Суола үрэх үрдүгэр Сууллар Мырааҥҥа 1865 с. «Усть-Сольская Николаевская церковь им. Николая чудотворца» диэн ааттанан таҥара дьиэтэ тутуллубут. 1865 с. бэс ыйын 8 күнүгэр сибэтии буолбут. 1892 с. таҥара дьиэтигэр нэһилиэккэ аан бастаан үөрэх кыһата - церковнай-приходской оскуола аһыллыбыт. Учууталынан аҕабыт Николай Протопопов үлэлээбит. Оскуола 10 үөрэнээччилээх эбит. Таҥара дьиэтэ, хомойуох иһин, 90-с сылларга умайбыт.

2017 с. III Мэлдьэхси нэһилиэгэр үөрэхтээһин тэриллибитэ 125 сыла киэҥник бэлиэтэнэрэ былааннанар.

1941 с. Аҕа дойду Улуу сэриитигэр ыҥырыллыбыт буойуттары бу ытык сиртэн кыргыс хонуутугар атаарбыттар. Онон чочуобуна үөрэхтээһин 125 уонна Улуу Кыайыы 70 сылларыгар ананан тутулунна. Онон саҥа чочуобуна үүнэр көлүөнэ ыччакка историяны кэрэһилиир өйдөбүнньүк буолар аналлаах.

 

При частичном или полном использовании материалов гиперссылка на сайт ysia.ru обязательна.
Категория: Общество Просмотров: 852 Источник: ЯСИА Автор: Марфа Птицына Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ