ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
23 июля 2015, 15:43

Томпо улууһа мадьыныларыгар куруутун көмө-тирэх буолар.


Соторутааҕыта Кыргызстаҥҥа Чолпон-Ата куоракка буолбут мас тардыһыыга аан дойду Кубогын бастакы этабыгар Россия чиэһин Томпо улууһун икки мадьыныта көмүскээбитэ.
Сергей Фролкин 125 кг үөһэ ыйааһыҥҥа Виктор Колибабчукка эрэ хотторон иккис буолбута. Уолбут быйыл Дьокуускайга сельхозакадемияны үөрэнэн бүтэрдэ. Билигин дойдутугар кэлэн дьонугар көмөлөһөн оттуу сылдьар. Ол кэнниттэн аан дойду Кубогын иккис этабыгар бэлэмнэнэ барыа. Сергей «Хайаан да Колибабчугу кыайыам», - диэн сорук туруорунар. Киниэхэ Томпо улууһун дьаһалтата Кыргызстаҥҥа айанын харчытын төлөөтө.
Дмитрий Саввин Кыргызстаҥҥа 60 кг диэри ыйааһыҥҥа икки саха уолун кэнниттэн 3-с миэстэ буолбута. ХИФУ физкультурнай институтун 1-кы курсун бүтэрбит 19 саастаах Дима аан дойду Кубогын кыттыылаахтарыттан саамай эдэрдэрэ. Быйыл Саха сирин чемпионатыгар улахан дьоҥҥо 63 кг аан бастаан киирсэн 36 киһиттэн иккис буолбута. Онон кини улахан кыайыылара иннигэр. Кини хамаандаҕа саппааска сылдьыбыта. Кыргызстаҥҥа барара күрэхтэһии буолара биир нэдиэлэ хаалбытын эрэ кэннэ биллибитэ. Хата бастакы тренерэ Александр Харитонов, Ил Түмэн депутата Дмитрий Саввин, дьоно харчынан көмөлөстүлэр.
Кыайыы көтөллөнөн эргиллибитигэр биир дойдулаахтара уолларын чиэстээтилэр. Байаҕантай дьаһалтата Арменияҕа буолар Кубок иккис этабыгар барарыгар, аһыырыгар диэн 45 тыһ. солкуобайы биэрдэ. Үөрэммит оскуолатын аатыттан 15 тыһ. солк. туттардылар.
Сергей Фролкин биэс оҕолоох ыал иккис оҕото, Дмитрий Саввин биэс ини-биилээх, аҕата ыарахан ыарыыттан өлбүтүн кэннэ ийэлэрэ соҕотоҕун иитэр. Онон харчынан көмө кинилэргэ улахан өйөбүл, ол иһин улуус дьаһалтата уруккуттан кыах баарынан көмөлөһөр. Маны таһынан сыл түмүгүнэн улуус бастыҥ спортсменнарыгар бириэмийэ көрүллэр.
При частичном или полном использовании материалов гиперссылка на сайт ysia.ru обязательна.
Категория: Спорт Просмотров: 836 Источник: ЯСИА Автор: Евдокия Неустроева Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ