Япония компанияларын бэрэстэбиитэллэрэ Саха сиригэр сырыыларын түмүгүнэн итиини биэрэр гаас турбиналары тутууга кэскиллээх сирдэринэн Дьокуускай Сайсары микро-оройуона, Амма сэлиэнньэтэ уонна Бүлүү куорат буолалларын ыйдылар.
Өрүттэр бырайыактары олоххо киллэрии суолларын сиһилии 2016 сыл олунньутугар кэпсэтэргэ сүбэлэстилэр. Онуоха диэри «Kawasaki Heavy Industries, Ltd.» уонна «Ernst & Young Advisory уонна Sojitz Corp.» компаниялар бэрэстэбиитэллэрэ Саха сиригэр ыыппыт үлэлэринэн техническай-экономическай ырытыыны оҥоруохтара. Ол түмүгүн Саха сирин Бырабыыталыстыбатыгар киллэриэхтэрэ.
Бырайыактары дьүүллэһиигэ СӨ ОДьКХ, энергетикаҕа, Федеративнай сыһыаннаһыыларга, тас сибээскэ, Экономика министиэристибэлэрин, «Дьокуускай куорат» куораттааҕы уокурук, «Региональное агентство энергоресурсосбережения» ГБУ, «Теплоэнергия» МУП, «Якутскэнерго» ПАО салалталара, бэрэстэбиитэллэрэ кыттыыны ыллылар.
Комментарии
Авторизация на сайте через социальные сети