С.С. Яковлевтыын бииргэ үлэлээбит, билигин бочуоттаах сынньалаҥҥа олорор бэтэрээннэр: сиэстэрэ А.Е. Ефремова, лаборант-фельдшер Д.М. Яковлева, хаһаайка сиэстэрэ М.Д. Иванова, нэһилиэк салалтатыттан О.А. Попов, аймахтарыттан хос сиэнэ, 11 «б» кылаас үөрэнээччитэ Давид Меняков, киин балыыһа салалтатыттан кылаабынай сиэстэрэ С.Г. Герасимова улуустааҕы бастакы Яковлев ааҕыыларынан биир идэлээхтэрин эҕэрдэлээтилэр.
Ыарыыны эрдэттэн сэрэтэр инниттэн конференция кыттыылаахтара маннык уураах ылыннылар:
1. 2015 сыл кулун тутар 5 күнүнээҕи Российскай Федерация Бырабыыталыстыбатын 367 №-дээх уурааҕар олоҕуран, бу сыл Российскай Федерацияҕа сүрэх уонна хаан баттааһына үрдээһинин кытта сибээстээх ыарыылартан сэрэтэр үлэни күүһүрдүү сылынан биллэрил-либитэ. Соһуччу охторор инфаркт, инсульт ыарыылары сэрэтэр, хас биирдии киhи бэйэтин доруобуйатыгар эппиэтинэстээхтик сыhыаннаhарын ситиһэр инниттэн тэрилтэ салайааччыта үлэhиттэрин доруобуйатыгар болҕомто уурар кэмэ кэллэ.
Ол инниттэн:
1. Хаан баттааһынын хонтуруоллана сылдьыыга хас биирдии тэрилтэни тонометр булунарыгар сорудахтыырга;
- үлэhит хаанын баттааһынын күн аайы кээмэйдэнэн, анал сурунаалга бэлиэтэнэрин салайааччы ирдиэхтээх;
- хаанын баттааһына халбаҥныыр киhини эмп тэрилтэтигэр көрдөрүнэрин ситиһиэхтээх.
2. Үгүс ыарыы төрдө – аҕыйахтык хамсаныы. Онон олорон үлэлиир усулуобуйалаах үлэhиттэргэ, үлэ кэмигэр режимҥэ киллэрэн, 10 мүнүүтэлээх производственнай гим-настиканы ыытары олохтуурга.
3. Сэллиги эрдэттэн сэрэтэр үлэни күүhүрдэр сыалтан, флюоробследованиеттан аккаастанар дьону, нэhилиэнньэҕэ ыарыы тарҕанар төрүөтүн үөскэтэллэринэн, суут-сокуон тэрилтэлэринэн күhэйэргэ.
4. Уурааҕы Сунтаар улууhун баhылыгар А.В. Григорьевка, болҕомтоҕо ыларыгар, туттарарга.
5. «Сунтаар сонуннара» хаһыатынан улуус олохтоохторугар билиһиннэрэргэ.
Бу уураах утумнаахтык олоххо киирдэҕинэ, дьоммут-сэргэбит доруобуйата тупсуоҕар эрэллээхпит.
Конференцияны тэрийэн ыыппыт Элгээйитээҕи балыыһа коллективыгар, дириэктэр С.П. Конобуловаҕа, старшай сиэстэрэ А.Д. Ивановаҕа, профком бэрэссэдээтэлэ К.С. Винокуровка эмчиттэр махталлара улахан.
Комментарии
Авторизация на сайте через социальные сети