Маннык кыһалҕаны болҕомтоҕо ылан, улуус киин балыыһатыгар гистология лабораториятын арыйдылар. Оройуон олохтоохторугар бу аҕыйах хардыылаах сиргэ идэлээх үлэһиттэрдээх киин баар буолбута улахан суолталаах. Мантан антах ыаллыы оройуоннарга медицинскэй көмөнү кытта оҥорор буолуохтара.
Саха сиригэр аныгы оборудованиелаах маннык үс эрэ лаборатория баар эбит. Гистологическай чинчийиилэр клиницист-бырааска онкологическай ыарыы баарын чуолкайдык билэригэр көмөлөһөллөр. Искэн характеристикатын, ханнык тииптээҕин уонна тарҕаныытын кээмэйин, эбэтэр кутталлаах саҥа үөскээһиннэргэ уорбалааһын баарын быһаараллар.
Бэйэбитигэр гистологическай лаборатория аһыллыыта гистологическай чинчийиини ыытарга, ханнык баҕарар операционнай матырыйаалы туттарга кыах биэрэр. Ол эпэрээссийэлэр наадалаах кээмэйдэрин быһаарарга, үчүгэй түмүктээх буоларыгар көмөлөһөр.
Комментарии
Авторизация на сайте через социальные сети