ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
25 ноября 2015, 16:06

Дьокуускайга «Тоҥ убаһа этэ» бырааһынньык ыытыллыа


«Кыһын Саха сириттэн саҕаланар» Бүтүн Россиятааҕы фестиваль тэрийээччилэрэ саҥа сонун сүүрээннэри киллэрэргэ кыһаллаллар. Быйылгыттан тоҥ убаһа этин киэҥник билиһиннэрэр инниттэн саха куукунатыгар биир бэлиэ миэстэни ылар бүлүүдэҕэ анаан ахсынньы 3 күнүгэр «Муус Хайа» рестораҥҥа туспа бырааһынньык ыытыллыа.

photoByWidth&id=50253&width=1000

«Муус Хайа» «Саха сирин амтана» гастрономия II фестивалын кыттыылааҕынан буолар. Манна киэһэ 18 чаастан куонкуруска кыттар бүлүүдэлэри амсайыахтара. Ол кэнниттэн «Тоҥ убаһа этэ» бырааһынньык саҕаланыаҕа. Убаһа этиттэн бэлэмнэниллибит бастыҥ бүлүүдэлэри билиһиннэриэхтэрэ, шеф-повардар маастар-кылаастары ыытыахтара.

Быйыл үгэс буолбут «Тоҥ балык-2015» бырааһынньык ахсынньы 5 күнүгэр «Триумф» кииҥҥэ буолар. Оттон эһиилгиттэн тэрийээччилэр бу икки бырааһынньыгы, элбэх кыттааччыны уонна көрөөччүнү хабар инниттэн, бииргэ холбоон ыытарга былаанныыллар.

Быйылгы «Кыһын Саха сириттэн саҕаланар» Бүтүн Россиятааҕы фестиваль өссө биир уратытынан киин куораттан эрэ буолбакка, улуустартан кытары аһылык тэрилтэлэрин, предприятиеларын кытыннарыы буолуо.

«Тоҥ балык-2015» куораттааҕы бырааһынньык кэмигэр таһырдьа олохтоох тыа хаһаайыстыбатын бородууксуйатын атыылааһын тэриллиэ. Онно куорат тэрилтэлэрин сэргэ улуустартан аһылык тэрилтэлэрэ, тыа хаһаайыстыбатын кооперативтара, фермер, бааһынай хаһаайыстыбалара кыттыыны ылыахтара.

Бырааһынньык кэмигэр куорат олохтоохторо уонна ыалдьыттара удамыр сыанаҕа эти, былыгы, үрүҥ аһы атыылаһар кыахтаныахтара.

При частичном или полном использовании материалов гиперссылка на сайт ysia.ru обязательна.
Категория: Культура Просмотров: 701 Источник: ЯСИА Автор: СИА Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ