21 ыстатыйа. Тыа хаһаайыстыбатын сайдыытыгар ассоциациялар уонна сойуустар кыттыылара 1. Тыа хаһаайыстыбатын табаарын оҥорон таһаарааччылар араас категорияларын, ону тэҥэ тыа хаһаайыстыбатыгар уонна сиргэ сыһыаннаах специалистары түмэр ассоциациялар уонна сойуустар маннык бырааптаахтар: 1) тыа хаһаайыстыбатын үлэһиттэрин үлэҕэ бырааптарын уонна сокуоннай интэриэстэрин көмүскүүргэ кыттар, ол иһигэр салаалар ассоциацияларын уонна сойуустарын үлэтин чэрчитинэн; 45 2) тыа хаһаайыстыбатын үлэһиттэрэ Саха Өрөспүүбүлүкэтигэр хамнас муҥутуур алын кээмэйиттэн кырата суох ыйдааҕы үлэ төлөбүрүн ылалларын мониторинныыр; 3) тыа хаһаайыстыбатын табаарын оҥорон таһаарааччылар наймыылаһар үлэһиттэрин уонна булт бородууксуйатын туттарааччылары кытта үлэ дуогабарын түһэрсэллэрин мониторинныыр; 4) тыа хаһаайыстыбатыгар аналлаах сирдэргэ уопсастыба өттүттэн хонтуруол олохтуур; 5) тыа хаһаайыстыбатын сайдыытыгар судаарыстыба өйөбүлүн оҥорууга уопсастыба хонтуруолун тэрийэр; 6) Судаарыстыбаннай программа тэрээһиннэрин олоххо киллэриигэ туһаайыллыбыт нуормалыыр быраап аакталарын бырайыагын дьүүллэһэр; 7) агропромышленнай комплекс эйгэтигэр уонна хоту дойду үгэс буолбут салааларын эйгэтигэр Саха Өрөспүүбүлүкэтин боломуочуйалаах толорор уорганнарын иһинэн уопсастыбаннай сүбэлэр үлэлэригэр кыттар. 2. Агропромышленнай комплекс эйгэтигэр уонна хоту дойду үгэс буолбут салааларын эйгэтигэр Саха Өрөспүүбүлүкэтин боломуочуйалаах толорор уорганнара Судаарыстыбаннай программа кэккэ тэрээһиннэрин олоххо киллэрэр үлэлэрин сорҕотун тыа хаһаайыстыбатын табаарын оҥорон таһаарааччылар араас категорияларын түмэр ассоциацияларга уонна сойуустарга салайар бырааптаахтар. 22 ыстатыйа. Тыа хаһаайыстыбатын сайдыытыгар олохтоох бэйэни салайыныы уорганнарын кыттыылара 1. Саха Өрөспүүбүлүкэтин муниципальнай оройуоннарын уонна куорат уокуругун олохтоох бэйэни салайыныы уорганнара түөлбэлэргэ уонна куорат уокуругун састаабыгар киирэр нэһилиэнньэлээх пууннарга тыа хаһаайыстыбатын оҥорон таһаарыытын сайыннарарга усулуобуйаны 46 тэрийии, тыа хаһаайыстыбатын бородууксуйатын, сырьетун уонна аһын- үөлүн ырыынагын кэҥэтии чэрчитинэн маннык тэрээһиннэри ыыталлар: 1) тыа хаһаайыстыбатын сайдыытын муниципальнай программаларын (хос программаларын) ылыныы уонна олоххо киллэрии, ол иһигэр олохтоох бюджеттар уонна Саха Өрөспүүбүлүкэтин судаарыстыбаннай бюджета тэҥ кыттыыларынан, уһун болдьохтоох инвестициялары уонна сойуом сириэстибэлэрин тардыы көмөтүнэн инвестиция бырайыактарын үбүлээһин; 2) муниципальнай оройуоннар уонна куорат уокуругун административнай кииннэригэр тыа хаһаайыстыбатын ырыынагын уонна (эбэтэр) тыа хаһаайыстыбатын кэпэрэтиибинэй ырыынагын тэрийиигэ көмөлөһүү, ол иһигэр муниципальнай баайы-дуолу босхо туһаныыга биэрии, хаһаайыстыбаннай уопсастыбаларга муниципальнай тэриллии өлүүтүн быһаччы салайыыга биэрии көмөтүнэн; 3) тыа хаһаайыстыбатын олохтоох бородууксуйатын уонна аһын-үөлүн атыылаһар хайысхалаах муниципальнай наадыйыыларга бородууксуйаны атыылаһарга сакаас түһэрии; 4) Саха Өрөспүүбүлүкэтин муниципальнай тэриллиилэрин таһымыгар тыа хаһаайыстыбатыгар уонна сиргэ сыһыаннаах специалистар үлэлэрин хааччыйар идэтийбит муниципальнай тэрилтэлэри тэрийии; 5) муниципальнай тэриллии бэрэстэбиитэллээх уорганын иннигэр муниципальнай тэриллии баһылыгын отчуотун чэрчитинэн муниципальнай оройуоҥҥа (куорат уокуругар) тыа хаһаайыстыбатын сайдыытын туһунан муниципальнай тэриллии баһылыгын сыллааҕы отчуотун ыытыы; 6) Саха Өрөспүүбүлүкэтин сокуоннарыгар сөп түбэһиннэрэн тыа хаһаайыстыбатыгар өртөөһүнү ыытыы болдьохторун олохтооһун. 2. Саха Өрөспүүбүлүкэтин куораттааҕы уонна тыа сиринээҕи түөлбэлэрин олохтоох бэйэни салайыныы уорганнара тыа хаһаайыстыбатыгар оҥорон таһаарыы сайдыытыгар көмөлөһүү чэрчитинэн маннык тэрээһиннэри ыыталлар: 47 1) олохтоох бюджеттан үбүлээн тыа хаһаайыстыбатын сайдыытын муниципальнай программаларын (хос программаларын) ылыныы уонна олоххо киллэрии, ол иһигэр Судаарыстыбаннай программа тэрээһиннэрин олоххо киллэрии чэрчитинэн; 2) нэһилиэнньэ кэтэх хаһаайыстыбаларын уонна бааһынай (фермер) хаһаайыстыбаларын ортолоругар тыа хаһаайыстыбатын кэпэрээссийэтин тэрийэргэ түөлбэҕэ үлэлиир тыа хаһаайыстыбатын специалистарыгар көмөлөһүү; 3) түөлбэлэр административнай кииннэригэр тыа хаһаайыстыбатын ырыынагын уонна (эбэтэр) тыа хаһаайыстыбатын кэпэрэтиибинэй ырыынагын тэрийиигэ көмөлөһүү, ол иһигэр муниципальнай баайы-дуолу босхо туһаныыга биэрии көмөтүнэн; 4) муниципальнай тэриллии кыраныыссатыгар тыа хаһаайыстыбатыгар аналлаах сирдэри уонна тыа хаһаайыстыбатыгар туһаныллар зоналары туһаныы туһунан иһитиннэрии тыа хаһаайыстыбатын табаарын оҥорон таһаарааччыларга өрүү аһаҕас буоларын хааччыйыы; 5) муниципальнай тэриллии бэрэстэбиитэллээх уорганын иннигэр муниципальнай тэриллии баһылыгын отчуотун чэрчитинэн тыа хаһаайыстыбатын сайдыытын туһунан муниципальнай тэриллии баһылыгын сыллааҕы отчуотун ыытыы; 6) тыа хаһаайыстыбатыгар аналлаах сирдэри туһанааччылар тыа хаһаайыстыбатыгар өртөөһүнү ыытар үлэлэрин сүрүннээһин. 3. Тыа хаһаайыстыбатыгар өртөөһүнү ыытарга айылҕаны туһаныыга сиэрдээх сыһыан Саха Өрөспүүбүлүкэтин туһааннаах сокуонунан сүрүннэнэр. 4. Саха Өрөспүүбүлүкэтин куораттааҕы уонна тыа сиринээҕи түөлбэлэрин, ону тэҥэ Саха Өрөспүүбүлүкэтин куораттааҕы уокуруктарын 48 олохтоох бэйэни салайыныы уорганнара Россия Федерациятын сокуоннарыгар сөп түбэһиннэрэн хаһаайыстыба учуотун ыыталлар. 5. Түөлбэлэр уонна куораттар уокуруктарын олохтоох бэйэни салайыныы уорганнарынан хаһаайыстыба учуотун ыытыы киэбэ уонна бэрээдэгэ Россия Федерациятын нуормалыыр аактатынан бигэргэтиллэр. 23 ыстатыйа. Тыа хаһаайыстыбатыгар аналлаах сирдэри чөл хаалларыы, туһаҕа таһаарыы, көдьүүстээхтик туһаныы уонна харыстааһын 1. Тыа хаһаайыстыбатыгар аналлаах сирдэри чөл хаалларар, туһаҕа таһаарар, көдьүүстээхтик туһанар уонна харыстыыр, тыа хаһаайыстыбатын үлэтигэр туһанарга анаан сири хос үллэрэр, бааһынай (фермер) хаһаайыстыбалара бэйэлэрин үлэлэрин толороллорун, итинник үлэни тэнитэр, кэтэх хаһаайыстыбаны тэрийэр уонна тэнитэр, саадтары, оҕуруот аһын үүннэрэр, сүөһүнү иитэр, оттуур, сүөһүнү тыа хаһаайыстыбатыгар аналлаах сирдэргэ мэччитэр инниттэн: 1) Саха Өрөспүүбүлүкэтин Бырабыыталыстыбата, муниципальнай тэриллиилэр тыа хаһаайыстыбатыгар аналлаах сирдэри хос үллэрии фондатын тэрийэллэр (салгыы – Фонда); 2) Саха Өрөспүүбүлүкэтин муниципальнай оройуоннара уонна куораттааҕы уокуруктара муниципальнай сир учуотун уонна хонтуруолун ыытар тэрилтэлэр үлэлэрин сүрүннүүллэр. 2. Фонда тыа хаһаайыстыбатыгар аналлаах сирдэргэ киирэр сир учаастактарын суотугар маннык түбэлтэҕэ тэриллэр: 1) сир учаастагын атыылаатахтарына эбэтэр атыыластахтарына; 49 2) Саха Өрөспүүбүлүкэтин бас билиитигэр киирэр тыа хаһаайыстыбатыгар аналлаах сир учаастагын туһанааччы бэйэтин быраабыттан көҥүл өттүнэн аккаастаннаҕына; 3) Россия Федерациятын Бырабыыталыстыбата олохтообут бэрээдэгинэн тыа хаһаайыстыбатыгар аналлаах сирдэргэ киирэр сир учаастагын бас билээччиттэн учаастагы күһэлэҥинэн ыллахтарына; 4) Россия Федерациятын Бырабыыталыстыбата олохтообут бэрээдэгинэн тыа хаһаайыстыбатыгар аналлаах сирдэргэ киирэр сир учаастагын мэлдьи (болдьоҕо суох) туһанар быраап, нэһилиэстибэ быһыытынан бас билэр быраап, босхо туһанар быраап, түүлэһиигэ ылар быраап күһэлэҥинэн тохтотулуннаҕына. 3. Судаарыстыба уонна муниципалитеттар наадыйыыларыгар сири ылыы түмүгэр Саха Өрөспүүбүлүкэтин уонна муниципальнай тэриллиилэр бас билэр бырааптара үөскээбит буоллаҕына, ол учаастактар Фондаҕа киллэриллибэттэр. 4. Гражданнарга уонна юридическай сирэйдэргэ тыа хаһаайыстыбатыгар аналлаах сир учаастактарын Фондаттан биэрии Россия Федерациятын Сирин кодексыгар, “Тыа хаһаайыстыбатыгар аналлаах сирдэри эргитии туһунан” Федеральнай сокуоҥҥа уонна Саха Өрөспүүбүлүкэтин Сирин кодексыгар сөп түбэһиннэрэн оҥоһуллар. 5. Муниципальнай тэриллиилэр сир учаастактарын атыылаһарга уонна Фонданы тэрийэргэ аналлаах үбү Саха Өрөспүүбүлүкэтин Сокуонунан олохтонор бэрээдэгинэн олохтоох бюджеттан көрөллөр. 6. Өлгөм үүнүүнү биэрэр ордук сыаналаах тыа хаһаайыстыбатын туһалаах сирдэрин чөл хаалларар туһугар Саха Өрөспүүбүлүкэтин Бырабыыталыстыбата, дьайар сокуоннарга олоҕуран, өлгөм үүнүүнү биэрэр 50 ордук сыаналаах тыа хаһаайыстыбатын ураты туһалаах сирдэрин кэрискэтин быһаарар, ол сирдэри атын сыалга туһанар көҥүллэммэт. 7. Муниципальнай сир учуотун уонна хонтуруолун тэрилтэлэрин муниципальнай сорудахтарын сүрүн кэриҥнэринэн буолаллар: 1) түөлбэлэргэ сиргэ сыһыан эйгэтин специалистарын үлэлэрин тэрийии; 2) тыа хаһаайыстыбатыгар аналлаах сирдэри уонна тыа хаһаайыстыбатыгар туһаныллар зоналары туһаныы учуотун уонна ырытыыны тэрийии; 3) муниципальнай тэриллии кыраныыссатыгар тыа хаһаайыстыбатыгар аналлаах сирдэри уонна тыа хаһаайыстыбатыгар туһаныллар зоналары туһаныы туһунан иһитиннэрии туһааннаах муниципальнай тэриллиигэ тыа хаһаайыстыбатын табаарын оҥорон таһаарааччыларга өрүү аһаҕас буоларын хааччыйыы; 4) тыа хаһаайыстыбатын сирдэрин инвентаризациялааһын (хонуу, бааһына үлэтэ); 5) тыа хаһаайыстыбатын туһалаах сирдэригэр тыа хаһаайыстыбатын тэрилтэлэрин уонна бааһынай (фермер) хаһаайыстыбаларын сирдэрин учаастагар кадаастыр үлэтин ыытыы; 6) тыа хаһаайыстыбатыгар аналлаах сирдэри туһанар быраабы ыларга тыа хаһаайыстыбатын табаарын оҥорон таһаарааччыларга көмөлөһүү; 7) сир араас категорияларыгар табаны мэччитэр быраабы ыларга табаны иитэр хаһаайыстыбаларга көмөлөһүү; 8) Россия Федерациятын Бырабыыталыстыбата олохтуур тыа хаһаайыстыбатыгар оҥорон таһаарыы тэрээһинин эбэтэр тыа хаһаайыстыбатыгар оҥорон таһаарыыны кытта сибээстээх атын үлэни ыытыы уратыларын учуоттаан туран, сир учаастактарын туһаммат буолуу бэлиэлэрин мониторинын тэрийии. 51 8. Тыа хаһаайыстыбатыгар аналлаах сирдэр уонна тыа хаһаайыстыбатыгар туһаныллар зоналар өттүлэригэр сир судаарыстыбаннай кэтэбилэ уонна сир уопсастыбаннай хонтуруола нэһилиэнньэлээх пууннарга Россия Федерациятын Сирин кодексыгар сөп түбэһиннэрэн ыытыллар. 24 ыстатыйа. Тыа сирин территорияларын инфраструктуратын сайдыыта 1. Тыа сирин территорияларын инфраструктурата Саха Өрөспүүбүлүкэтин сирин-уотун былаанын схематын, Саха Өрөспүүбүлүкэтин сиригэр-уотугар оҥорон таһаарар уонна социальнай объектары олохтооһун схематын, Саха Өрөспүүбүлүкэтин тыатын хаһаайыстыбатын оҥорон таһаарар объектарын олохтооһун схематын кэриҥнэрин учуоттаан туран, тыа сирин хас биирдии түөлбэтин демографиятыгар уонна үлэлиир кыаҕар олоҕуран сайдар. 2. Саха Өрөспүүбүлүкэтин сирин-уотун былаанын схематын уонна Саха Өрөспүүбүлүкэтин сиригэр-уотугар оҥорон таһаарар уонна социальнай объектарын олохтооһун схематын оҥоруу бэрээдэгэ Саха Өрөспүүбүлүкэтин Бырабыыталыстыбатын уурааҕынан быһаарыллар. 3. Тыа сирин территорияларын инфраструктуратын сайдыытын тумус тутуллар хайысхаларынан буолаллар: 1) агроландшафтары бигэтик сайыннарар усулуобуйаны тэрийии; 2) айылҕаны сиэрдээхтик туһаныыны хааччыйыы; 3) тыа сирин нэһилиэнньэлээх пууннарыгар, тыа хаһаайыстыбатын оҥорон таһаарар объектарыгар, тыа хаһаайыстыбатын туһалаах сирдэригэр суолу-ииһи тупсаран транспорт сырыытын олохтооһун; 4) нэһилиэнньэлээх пууннартан ыраах сытар тыа хаһаайыстыбатын оҥорон таһаарар объектарын электричество уотунан хааччыйыы; 52 5) тыа хаһаайыстыбатын оҥорон таһаарар объектарыгар гааһы киллэрии; 6) тыа сирин нэһилиэнньэлээх пууннарыгар олорор дьиэлэри, оҥорон таһаарар уонна социальнай объектары инженернэй өттүнэн толору хааччыйыы таһымын үрдэтии. 4. Саха Өрөспүүбүлүкэтин судаарыстыбаннай программаларын чэрчитинэн Тыа сирин территорияларын инфраструктуратын сайдыытыгар судаарыстыбаннай өйөбүлү оҥоруу бэрээдэгэ Саха Өрөспүүбүлүкэтин анал нуормалыыр аакталарынан олохтонор. 25 ыстатыйа. Бу Сокуону олоххо киллэрэргэ Саха Өрөспүүбүлүкэтин тыатын хаһаайыстыбатыгар үлэ субъегын эппиэтинэһэ 1. Тыа хаһаайыстыбатын сайдыытын эйгэтигэр стратегическай былаан докумуоннарын тус сыаллаах индикатордара толоруллубатахтарына Саха Өрөспүүбүлүкэтин судаарыстыбаннай былааһын толорор уорганнарын эппиэтинэһэ “Россия Федерациятыгар стратегическай былаан туһунан” 2014 сыл бэс ыйын 28 күнүнээҕи 172-ФС №-дээх Федеральнай сокуонунан, “Тыа хаһаайыстыбатын сайдыытын туһунан” 2006 сыл ахсынньы 29 күнүнээҕи 264-ФС №-дээх Федеральнай сокуонунан, Россия Федерациятын уонна Саха Өрөспүүбүлүкэтин атын да сокуоннарын аакталарынан быһаарыллар. 2. Тыа хаһаайыстыбатын сайдыытын эйгэтигэр Саха Өрөспүүбүлүкэтин Судаарыстыбаннай программатын туһааннаах муниципальнай тэриллиигэ олохтоммут тус сыаллаах индикатордара толоруллубатахтарына Саха Өрөспүүбүлүкэтин олохтоох бэйэни салайыныы уорганнарын эппиэтинэһэ судаарыстыба тыа хаһаайыстыбатыгар оҥорон таһаарыыны өйүүр кэккэ боломуочуйаларын Саха Өрөспүүбүлүкэтин 53 олохтоох бэйэни салайыныы уорганнарыгар биэрии туһунан Саха Өрөспүүбүлүкэтин сокуоннарынан, Россия Федерациятын уонна Саха Өрөспүүбүлүкэтин атын да сокуоннарын аакталарынан быһаарыллар. 3. Тыа хаһаайыстыбатын сайдыытыгар судаарыстыба өйөбүлүн аналынан уонна көдьүүһэ суох туһаммыттарын иһин юридическай уонна физическэй сирэйдэр, ол иһигэр биирдиилээн урбаанньыттар, эппиэтинэстэрэ бу Сокуон 7 ыстатыйатын 1 чааһыгар сөп түбэһиннэрэн судаарыстыба өйөбүлүн оҥоруу туһунан сөбүлэһиилэргэ, ону тэҥэ Россия Федерациятын уонна Саха Өрөспүүбүлүкэтин атын да сокуоннарын аакталарынан быһаарыллар. 4. Бу Сокуон нуормалара тутуһуллубатахтарын иһин Саха Өрөспүүбүлүкэтин тыатын хаһаайыстыбатыгар үлэ субъегын дуоһунастаах сирэйин эппиэтинэһэ Россия Федерациятын уонна Саха Өрөспүүбүлүкэтин сокуону таһаарар аакталарынан, ол иһигэр Административнай быраабы кэһии туһунан Саха Өрөспүүбүлүкэтин кодексынан быһаарыллар. 26 ыстатыйа. Саха Өрөспүүбүлүкэтин сокуону таһаарар кэккэ аакталарын күүстэрин сүтэрбиттэринэн билинии 1. 2017 cыл тохсунньу 01 күнүттэн күүстэрин сүтэрбиттэринэн билинэргэ: 1) “Саха Өрөспүүбүлүкэтигэр судаарыстыба агропромышленнай оҥорон таһаарыыны сүрүннээһинин туһунан” 2002 сыл ахсынньы 11 күнүнээҕи 89-С 507-II №-дээх Саха Өрөспүүбүлүкэтин сокуонун; 2) “Саха Өрөспүүбүлүкэтигэр судаарыстыба агропромышленнай оҥорон таһаарыыны сүрүннээһинин туһунан” Саха Өрөспүүбүлүкэтин сокуонугар уларытыылары уонна эбиилэри киллэрэр туһунан” 2004 сыл бэс ыйын 16 күнүнээҕи 146-С 299-III №-дээх Саха Өрөспүүбүлүкэтин сокуонун; 54 3) “Саха Өрөспүүбүлүкэтигэр судаарыстыба агропромышленнай оҥорон таһаарыыны сүрүннээһинин туһунан” Саха Өрөспүүбүлүкэтин сокуонугар уларытыылары уонна эбиилэри киллэрэр туһунан” 2009 сыл муус устар 23 күнүнээҕи 675-С 241-IV №-дээх Саха Өрөспүүбүлүкэтин сокуонун; 4) “Саха Өрөспүүбүлүкэтигэр бааһынай (фермер) хаһаайыстыбаларыгар судаарыстыба өйөбүлүн туһунан” 2006 сыл от ыйын 13 күнүнээҕи 364-С 743-III №-дээх Саха Өрөспүүбүлүкэтин сокуонун; 5) “Саха Өрөспүүбүлүкэтигэр бааһынай (фермер) хаһаайыстыбаларын туһунан” Саха Өрөспүүбүлүкэтин сокуонугар уларытыылары киллэрэр туһунан” 2009 сыл бэс ыйын 17 күнүнээҕи 287-С 743-IV №-дээх Саха Өрөспүүбүлүкэтин сокуонун; 6) “Саха Өрөспүүбүлүкэтигэр тыа хаһаайыстыбатын кэпэрэтииптэрин өйөбүлүн туһунан” 2006 сыл алтынньы 11 күнүнээҕи 381-С 775-III №-дээх Саха Өрөспүүбүлүкэтин сокуонун; 7) “Саха Өрөспүүбүлүкэтигэр тыа хаһаайыстыбатын кэпэрэтииптэрин өйөбүлүн туһунан” Саха Өрөспүүбүлүкэтин сокуонугар уларытыылары киллэрэр туһунан” 2010 сыл ыам ыйын 26 күнүнээҕи 831-С 553-IV №-дээх Саха Өрөспүүбүлүкэтин сокуонун; 8) “Саха Өрөспүүбүлүкэтигэр гражданнар кэтэх хаһаайыстыбаларын туһунан” 2000 сыл бэс ыйын 14 күнүнээҕи С 207-II №-дээх Саха Өрөспүүбүлүкэтин сокуонун 12 ыстатыйатын 2 чааһын. 27 ыстатыйа. Бу Сокуон күүһүгэр киириитэ 1. Бу Сокуон 2017 сыл тохсунньу 01 күнүттэн күүһүгэр киирэр. 2. Бу Сокуон дьиҥ таһымнаах бэчээккэ тахсыбыт күнүттэн алта ый иһигэр Саха Өрөспүүбүлүкэтин судаарыстыбаннай былааһын уорганнара уонна Саха Өрөспүүбүлүкэтин олохтоох бэйэни салайыныы уорганнара нуормалыыр быраап аакталарын бу Сокуоҥҥа сөп түбэһиннэриэхтээхтэр.
12+
Комментарии
Авторизация на сайте через социальные сети