Үгэскэ кубулуйбут күһүҥҥү практикаҕа студеннар, колледж үлэһиттэрэ Дорбой буолатыгар хортуоска хостоон, Бэрэ ойууругар отонноон, кыһыҥҥы хаһааспытын хаҥатынныбыт. Маны таһынан сорох студеннар үөрэнэр мастарыскыайдарын чөкөтөн, сааһылаан, өрөмүөн үлэтигэр сырыттылар. Күммүт-дьылбыт туран биэрэн, балаҕан ыйын 11 күнүгэр күһүҥҥү туризмҥа студеннар үөрэ-көтө күрэхтэстилэр.
Туризмы Потапов А.А. (ФК преподавателэ), Васильева Т.Г. («Туризм» группа куратора), Иванова З.М. (педагог-организатор) тэрийэн ыыттылар. Ол курдук, 1 м. – «ТоиРАТ» группа, 2 м. – «УСУ», МНЭЭПГЗ группалар холбоһуктаах хамаандалара, 3 м. – ювелирдар буоллулар. Мас рестлиӨӨа колледж абсолютнай чемпионун аатын Петр Ананьев (гр. «Автомеханик») ылыан ылла. «КүһүӨӨү киһи күлбүтүнэн» диэн кыргыттар күрэхтэригэр: 1 м. – «Туризм», 2 м. – «УСУ», 3 м. – ювелир кыргыттар ыллылар.
Минньигэс астаах остолобуой үлэһиттэрэ ас-үөл астаан аҕалан, ас арааһыттан амсаттылар. Бурдук аһылыгынан, салаат арааһынан, ис миининэн, итии үүттээх чэйинэн күндүлээтилэр. Бухгалтерия үлэһиттэрэ Дмитриева С.Н., Егорова З.Т. дьүүллүүр сүбэҕэ үлэлээтилэр. Маннык тэрээһиннэргэ колледж үлэһиттэрэ бары, ким да туора турбакка, биир сомоҕо буолан кытталлара олус үчүгэй, коллектив иллээҕин көрдөрөр диэн бэлиэтиэм этэ.
Комментарии
Авторизация на сайте через социальные сети