ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
30 июля 2015, 17:11

Саха сирин норуоттарын VII Спортивнай оонньууларын тэрийэр хамыыһыйа Амма улууһугар үлэлээтэ


2018 сылга ыытыллыахтаах Саха сирин норуоттарын VII Спортивнай оонньууларыгар бэлэмнэниинэн, СР Спортка министерствота, тэрийэр хамыыһыйа бэрэстэбиитэллэрэ Амма улууһугар үлэлээтилэр.

СР спордун миниистирэ М.Д Гуляев, миниистири солбуйааччы М.В Захарова, адаптивнай спорт республикатааҕы киинин дириэктэрэ А.С Михайлова, Тыа хаһаайыстыбатын министерствотыттан сири кытта үлэҕэ департамент салайааччыта А.М Семенов, СР суолга управлениетын генеральнай дириэктэрин солбуйааччы А.И Григорьев, Үөрэх министерствотын материальнай техническэй хааччыллыыга отделын начальнига Д.Д Давыдов, СР экономикатын миниистирин солбуйааччы Д.С Саввинов, СР Архитектураҕа уонна тутууга министерствотын кылаабынай испэсэлииһэ П.К Никитин, онтон да атын министерстволар бэрэстэбиитэллэрэ Аммаҕа тахсан күрэхтэһиилэр ыытыллыахтаах объектарын көрдүлэр.

photoByWidth&id=40872&width=1000

Бөтүҥ нэһилиэгэр сылдьан „Күөх ыллык“ реабилитационнай кииҥҥэ, саҥа оскуола тутуллуохтаах учаастагын итиэннэ инбэлииттэргэ аналлаах адаптивнай спортсаалаҕа анаммыт сири көрдүлэр-иһиттилэр. Салгыы Чапчылҕан нэһилиэгэр спортсаала тутуутун ханна былааннаабыттарын билистилэр. Нэһилиэк баһылыга Г.Ю Бродниковы кытта көрсөн, культурнай-спортивнай комплекс базата сыал ытыыга барсыан сөбүн эттилэр.

Санатан эттэххэ, Оонньуулар спорт 14 көрүҥэр ыытыллыахтара. Быраабыла быһыытынан, оонньууну тэрийэн ыытар улуус биир көрүҥү бэйэтэ талан киллэрэр бырааптаах. Аммалар, ордук хайа көрүҥҥэ күүстээхпитин учуоттаан, пляж волейболун киллэрдибит. Күрэхтэһиилэр ыытыллар сирдэрэ барыллаан быһаарылынна: Амма нэһилиэгэр 3000 миэстэлээх, сылаас манежтаах саҥа стадиоҥҥа - чэпчэки атлетика, аэробика, „Дружба“ спортсаалаҕа - остуол тенниһэ, саҥа тутуллуохтаах спортивнай комплекска - волейбол, сынньалаҥ пааркатыгар - көҥүл тустуу, ипподромҥа - ох саа, „Молодежнай“ кварталга саҥа саалаҕа - дьахталларга волейбол, Бөтүҥҥэ - саахымат, дуобат, баскетбол, Чапчылҕаҥҥа - мини-футбол, сыал ытыыта, „Дүөдьэкээҥҥэ“ спортинг ыытыллыахтара. Оттон пляж волейболун „Олимпик“ спортивнай лааҕыр базатыгар ыытарга сүбэлэстилэр.

Оонньуу улахан тутуутастадион - тутуллуохтаах сирин Якутагропромпроект“ ААУо көрөн-истэн, чинчийэн баран бу күннэргэ түмүк таһаарыаҕа. Тэрилтэ генеральнай дириэктэрин бастакы солбуйааччы Гаврил Блахиров стадиону алааска тутар буоллахха, сааскы хаар уутун хачайдыырга туспа миэрэлэри ылар наадатын эттэ.

Сүбэ мунньахха элбэх ыйытык, этии киирдэ. Спорт миниистирэ Михаил Гуляев Оонньуулар суолталарыгар тохтоото, тэрээһин боппуруостары билиһиннэрдэ. Саҥа тутууларга, спортсменнар, ыалдьыттар хонор, аһыыр сирдэрин тэрийиигэ бэйэтин санаатын үллэһиннэ.

Улуус баһылыга Н.А Архипов оройуоҥҥа туох үлэ-хамнас бара турарын кэпсээтэ, баар кыһалҕаларга тохтоото. Билигин электрическэй уот, суол-иис боппуруостара сытыытык тураллар. 2018 сылга диэри бу балаһыанньаны көннөрөр сыал-сорук турар.

Эмис нэһилиэгин баһылыга И.И Пестерев Эмис аттынааҕы айан суолугар асфальт суолу тутарга, Чакыр нэһилиэгин баһылыга А.И Яковлев Оонньуулар биир күрэхтэһиилэрин Чакырга ыытарга, Бөтүҥ нэһилиэгин баһылыга С.В Борисова тэрийэр хамыыһыйаҕа Үлэ министерствотыттан бэрэстэбиитэл наадатын туруорустулар. Элбэх этии ас-үөл боппуруоһугар киирдэ.

При частичном или полном использовании материалов гиперссылка на сайт ysia.ru обязательна.
Категория: Территория Просмотров: 819 Источник: ЯСИА Автор: Лия СТАНИСЛАВСКАЯ Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ