Хапсагайга 70 кг диэри ыйааһыннаахтарга муҥутуур кыайыылаах аатын спорт маастара Охлопков Айаал (I Хомустаах) ылла. 70 кг үөһэ муҥутуур кыайыылааҕынан Винокуров Василий (Нам) буолла.
Мас тардыһыытыгар 70 кг диэри Протопопов Артур (Бүлүү Бөтүҥэ), 70 кг үөһэ ыйааһыҥҥа Иванов Евгений (Нам) муҥутуур кыайыылааҕынан буоллулар.
«Үс төгүл үскэ» Попов Владислав (Модут) кими да иннигэр түһэрбэтэ.
Саха многоборьетыгар Попов Николай (Нам Бөтүҥэ) кыайыылааҕынан таҕыста. Киниттэн баара-суоҕа биир очукуонан хаалан Заровняев Роман (Бөтүҥ) иккис буолла. Үһүс миэстэни Сутаков Степан (Амма Бөтүҥэ) ылла. Бастаабыт - холодильнигынан, иккис буолбут — газ билиитэтинэн, үһүс — бензопиланан бириэмийэлэннилэр.
Күрэхтэһиигэ Бөтүҥ дьаһалтата спонсордаата. Кылаабынай судьуйанан Бурнашев Е.К. үлэлээтэ. Хапсаҕайга күрэхтэһиини Россия категориялаах судьуйа Хабаров Г. В., мас тардыһыытыгар - Россия категориялаах судьуйа Саввинов А.Е. дьүүллээтилэр.
Комментарии
Авторизация на сайте через социальные сети