Ол курдук, кэлэр 2016 сылтан булгуччулаахтык буолар ГТО нормативтарын туттарыы тэрээһинигэр Үөһээ Бүлүү улууһун олохтоохторо көхтөөх кыттыыны ыллылар.
Нэһилиэнньэни чөл олоххо, спортка көҕүлүүр тэрээһиҥҥэ аҕам саастаах дьон саамай көхтөөх кыттыыны ыллылар. Ол курдук, 75 хаарыгар үктэммит Уйбаан Харитонов ГТО нормативтарын туттарыыга саас боруок буолбатын бэйэтин холобуругар көрдөрдө.
ГТО-ну туттарыыга барыта 25 тэрилтэ үлэһитэ кыаҕын тургутунна. Быраастар маассабай туттарыы кыттыылаахтарын доруобуйаларын кэтээн көрдүлэр.
Тэрээһиҥҥэ Үөһээ Бүлүү тэрилтэлэриттэн 337 киһи кыттыыны ылан, кэлэр сылга ГТО нормативатарын булгуччулаах туттарыыга бэлэмнээхтэрин көрдөрдүлэр.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети