Манна Дьаархантан, Күндэйэттэн, Элгээйиттэн, Маар Күөлтэн уо.д.а. нэһилиэктэртэн оскуола оҕолоро, баһаатайдар, педагогтар кэлэн кытыннылар. Доҕордоһуу түһүлгэтигэр оҕолор оонньоон-көрүлээн, үҥкүүлээн, форуму үс бүк киэргэттилэр.
Быйылгы форумҥа эбии үөрэхтээһин уонна оҕо хамсааһынын өрөспүүбүлүкэтээҕи киинин дириэктэрин солбуйааччы Н.Н. Терютин кэлэн, Сунтаар улууһугар оҕо хамсааһынын үлэтин-хамнаһын кытта билистэ, оҕолор төһө көхтөөхтөрүн көрөн-истэн, сыаналаан барда.
Манна дьон-сэргэ көрүүтүгэр оҕо түмсүүлэрин үлэлэрин-хамнастарын, ситиһиилэрин кэрэһилиир кубоктара, грамоталара, хаартыскалар туруорулуннулар. Оҕолор араас куонкурустарга кытыннылар, баһаатайдарга, педагогтарга маастар-кылаастар ыытылыннылар.
Куонкурус түмүгүнэн кыайыылаахтарга грамота туттарылынна. Лидер оҕолор уонна оскуола педагогтара улуус баһылыгын уонна ыччат политикатын отделын махтал суруктарынан уонна грамоталарынан бэлиэтэннилэр.
Комментарии
Авторизация на сайте через социальные сети