ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
24 ноября 2015, 15:03

Мукучуга Платон Ламутскай "Сир иччитэ" романынан «төгүрүк остуол» буолла


Сэтинньи 20 күнүгэр оскуола библиотекатыгар Платон Ламутскай төрөөбүтэ 95 сылынан «Сир иччитэ» романын тула сэһэргэһии, санаа үллэстии, ырытыһыы бэрээдэгинэн «төгүрүк остуол» буолла. Онно анаан«Хоту дойду дьоһун киһитэ»диэн сурунаал, кинигэ, хаһыат быыстапката тэрилиннэ.

photoByWidth&id=50163&width=1000

Танара оскуолатын педагог-библиотекара, “Уран тыл умсулҕана” түмсүү биир тутаах киһитэ Новикова К.Е. киирии тылыгар биир дойдулаахпыт, эбээннии толкуйдаах, үлэлээх Платон Ламутскай олоҕун, айар үлэтин туһунан сэһэргээтэ.

Модельнай библиотека бэрэстэбиитэлэ Им И. Н. Платон Ламутскайы улахан дьиэ кэргэн амарах аҕатын, педагогическай династияны төрүттээччи, эбээн тылын тарҕатааччы быһыытынан билиһиннэрдэ, эбээннии, сахалыы, нууччалыы айымньыларын, слайдалары көрдөрдө.

Мукучу гимназиятын саха тылын, литературатын учуутала, “Уран тыл умсулҕана” түмсүү биир көхтөөх чилиэнэ Васильева Е. Н.«Платон Ламутскай «Сир иччитэ» романа» диэн тиэмэҕэ айымньы ис хоһоонун оҕолорго тиийимтиэ тылынан кэпсээтэ. Слайдатыгар айымньы тылыгар-өһүгэр, геройдарыгар болҕомтотун ууран кыһыл өҥүнэн бэлиэтээн, тоһоҕолоон быһаарбыта ордук өйдөнүмтүө буолла.

photoByWidth&id=50164&width=1000

Тэрээһиҥҥэ Танара оскуолатыттан 22, Мукучу гимназиятыттан 21 оҕо кытыннылар. Эдэр ааҕааччылар Платон Ламутскай эбээн норуотун чаҕылхай бэрэстэбиитэлэ, бастакы романиһа буоларын, педагог быһыытынан уратытын, булчут сиэрин-туомун, үгэстэрин, эбээн норуотун, ыалын олоҕун-дьаһаҕын, ыарахан усулуобуйатын, култууратын, этнографиятын билбиттэрин, эбээннэр ааттарынан интэриэһиргээбиттэрин, роман дьиҥнээх түбэлтэҕэ олоҕуран суруллубутун, автор тылга дэгиттэр талааннааҕын сөхпүттэрин туһунан санааларын үллэһиннилэр.

«Төгүрүк остуол» бэрт сэргэхтик, интэриэһинэйдик ааста. Ааҕааччылар хотугу норуоттар олохторун  - дьаһахтарын, үгэстэрин роман ҥөнүө, эбээн авторын олоҕун кытта ситимнээн сүрүн өйдөбүлү ыллылар.

И.Н.Им, «Айар ыллык» литература куруһуогун салайааччыта

При частичном или полном использовании материалов гиперссылка на сайт ysia.ru обязательна.
Категория: Культура Просмотров: 680 Источник: ЯСИА Автор: СИА Изображение: К.Е.Новикова Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ