«Биһиги судургута суох кэмҥэ олоробут. Дьон олоҕор, тэрилтэлэр үлэлэригэр быһаччы дьайыан сөптөөх кыһалҕа үөскүү турар. Саха сирин салалтата ити бөрүкүтэ суох быһыыны-майгыны кыччатарга кыаллары барытын оҥорор», - диэтэ Егор Борисов.
Кини кризис тыҥаабыт 2009-2010 сыллары санатта. Бу ыарахан кэм содула өрөспүүбүлүкэҕэ улаханнык биллибэтэҕэ.
«Биһиги бөдөҥ бизнеһи, бизнес эргимтэтин кытта ыкса ситимнээхтик үлэлиибит. Бу күннэргэ 2016 сыллааҕы бюджеты уонна 2017-2018 сыллардааҕы үп-харчы былаанын оҥоро сылдьабыт. Манна чуолкайдааһыннар, чопчулааһыннар баар буолуохтара, ол эрээри государство мэктиэлиир бырагыраамалара биир да тохтотуллуо суоҕа диэн бигэтик этэбин. Социальнай эбэһээтэлистибэлэр оннунан хаалыахтара уонна толоруллуохтара. Тыа хаһаайыстыбатын уонна олорор дьиэни тутууну күүскэ өйүүр соруктаахпыт», - диэтэ регион баһылыга.
«Өрөспүүбүлүкэ экономическай кыаҕа, промышленноһы сайыннарыы, социальнай эйгэҕэ ситиһиллибит көрдөрүү кризис охсуутун, содулун биллэ мөлтөтүө диэн бүк эрэнэбин. Ити биллэн турар, государственноһы ылыммыт 25 сыл уһуннаах суолбут үтүө түмүгэ», - диэн Е. Борисов эттэ.
Комментарии
Авторизация на сайте через социальные сети