Соторутааҕыта үгүстэргэ үтүө холобур буолар дьоһун түгэн буолан ааста. Ол курдук, кырдьаҕастар Ньурбатааҕы интэринээт-дьиэлэригэр хатыҥ чараҥ быыһыгар турар паарка үөрүүлээх быһыыга-майгыга аһылынна.
Интэринээт-дьиэ үлэһиттэрэ уонна иитиллээччиллэрэ бэйэлэрин күүстэринэн, куорат дьаһалтатын быһаччы өйөбүлүнэн маннык сынньалар пааркаланнылар. Эргиччи күрүөлээн-хаһаалаан, ыраастаан, ыскаамыйалары оҥортоон, кырдьаҕастар хатыҥ чараҥ көй салгынын түөһү толору тыынар, сынньанар бэртээхэй сирдэрин тэрийдилэр.
Сынньалаҥ пааркатын иннигэр баар Маары кытта туһаҕа таһаардылар. Ол курдук, тэрилтэ слесарь-сантехнига Виктор Васильев ураты, кэрэ көстүүлээх фонтаны оҥорон сынньалаҥ пааркатын өссө ордук тупсарда, киэргэттэ. Виктор уран илиитин иһиттэн тахсыбыт бу үһүс фонтан буолар.
Кырдьаҕастар Ньурбатааҕы интэринээт-дьиэлэрин коллектива бары биир санаанан салайтаран, түмсүүлээхтик үлэлээн, мааны сирдэннилэр. Инникитин пааркаларын өссө ордук тупсарар, элбэх тутууну ыытар баҕалаахтар.
Комментарии
Авторизация на сайте через социальные сети