- Араас кэмнэргэ суруллубут ыстатыйаларын, суруйууларын мунньан бастакы «Олох хаарын оймоон» кинигэтэ 2013 сыллаахха бэчээттэммитэ, ааҕааччы сэҥээриитин ылыан ылбыта. Иккис буруолуу сылдьар саҥа кинигэтэ хоһоон хомуурунньугунан буолар. «Төлкөбүн түстээбит холумтан» кинигэ «Дани-Алмас» тэрилтэҕэ 805 экземплярынан бэчээттэннэ. Салгыы Муттуххай Бороҥ үһүс кинигэни ойутан таһааран соһутааччы буолла. Бу кинигэни республика араас муннугар олорор хоһоонньуттар хомуйан 300 экземплярынан таһаарбыттар. Кинилэри биир дойдулаахпыт, айар куттаах Вероника Семенова түмэ тардыбыта. Манна Муттуххай Бороҥ хоһоонноро киирдилэр.
- Кинигэ сүрэхтэниитигэр ааптар үөлээннээхтэрэ, аҕа табаарыстара кэлэн дуоһуйа кэпсэттилэр, хоһоон аахтылар, ырыа ыллаатылар. Ол курдук, олохтоох ааптар, мелодист Маргарита Саввинова кини хоһоонугар ырыа ыллаан бэлэхтээтэ. Тамалакаантан кэлэ сылдьар дьүөгэтэ Альбина Алексеева саҥа кинигэттэн сөбүлээбит хоһоонун ааҕан иһитиннэрдэ.
- Бары бу курдук истиҥ кэпсэтиигэ кыттыһан уруккуну-билиҥҥини ахтыһан, ааптарга айар үлэтигэр бары ситиһиини баҕардылар.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети