Олохтоохторго саҥа квартиралар күлүүстэрин туттарыы үөрүүлээх туомугар улуус баһылыга Никита Андреев, Ил Түмэн депутата Гаврил Алексеев, Бэрдьигэстээх нэһилиэгин баһылыга Марк Парфенов, «Легион ГРК» ХЭУо директора Дмитрий Копырин, о.д.а. кыттыыны ыллылар.
Улуус баһылыга Никита Андреев «Легион ГРК» ХЭУо үлэһиттэригэр дьиэни хаачыстыбалаахтык туппуттарын иһин махтанан туран, саҥа квартиралар хаһаайыттарыгар күлүүстэрин туттартаата.
Манна даҕатан эттэххэ, Горнай улууһугар дьону эргэ хаарбах дьиэлэртэн көһөрүүгэ федеральнай программа далааһыннаахтык олоххо киллэриллэр. Программа дойду, республика, улуус уонна нэһилиэк салалталарын өйөбүллэринэн үлэлиир.
Билигин хос программа 2014-2015 сс. түһүмэҕинэн икки таас дьиэ тутуута саҕаланар. Бу барыта 41 квартиралаах дьиэлэр 2016 сылга үлэҕэ киллэриллэллэрэ былааннанар.
Комментарии
Авторизация на сайте через социальные сети