- -- Руслан Никифорович, хаһааҥҥыттан уһанар идэнэн дьарыктанаҕыный?
- -- 1990 сыллаахха Майатааҕы олох-дьаһах комбинатыгар үлэҕэ киириэхпиттэн ыла уһанар идэнэн үлүһүйэбин. Намнааҕы педучилищены бүтэрбит буоламмын, чороону, кытыйаны хайдах оҥорору син билэр этим. Үөрэнэ сылдьан атастарбынаан Василий Борисов, Александр Шадрин, Иван Коркин буоламмыт уһанарбыт. Бастаан утаа сатаабакка эрэйдэнэн бараммыт, кэлин бэл бэлэх-туһах буолуон сөптөөх чорооннору оҥорон учууталбытыттан хайҕаммыппыт. Ити сыл «Народный мастер умелец» диэн анал аат иҥэрбиттэрэ. Сыыйа тиһигин быспакка өрөспүүбүлүкэтээҕи быыстапкаларга кыттаммын дипломант, Мэҥэ-Хаҥалас улууһугар лауреат буолуталаабытым.
- -- Онтон санаан көтөҕүллэн улахан быыстапкаларга кытыннаҕын дии.
- -- Мастан оҥорбут үлэлэрбинэн Америкаҕа, Канадаҕа, Голландияҕа, Японияҕа, Москваҕа буолбут быыстапкаларга уонна Туймаада ыһыаҕар кыттар чиэскэ тиксибитим. 2007 сыллаахха «Саха Өрөспүүбүлүкэтин норуотун маастара» ааты иҥэрбиттэрэ. Онтон ыла дьон миэхэ сыһыана биллэ уларыйда. Улахан мас ууһун курдук көрөр буоллулар. Араас сакаас киирэрэ элбээтэ. Саҥа дьиэ туттааччылар араама, аан эҥин оҥотторор буоллулар.
- -- Эйигин утумнуур үөрэнээччилэрдээххин дуо?
- -- Бааллар. Егор Филиппов, Николай Солдатов уонна Николай Феофанов билигин бэйэлэрэ норуот маастара буоллулар.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети