Павел Шарин олоҕун 40 сылын Саха сирин тыатын хаһаайыстыбатын сайыннарыыга анаата.
Ааспыт үйэ 70-с сылларыгар, оскуоланы бүтэрээччилэр бачыымнарын өйөөн, Павел Шарин Герой Попов аатынан сопхуос «Тайҕа» ыччат-комсомольскай ферматыгар ыанньыксытынан үлэлии кэлбитэ. 1983 сыллаахха хас биирдии ынаҕыттан 5 711 кг үүтү ыан республика рекордун олохтообута. Икки сылынан көрдөрүүтүн тупсарбыта — 6071 кг диэри тиэрдибитэ. Маны сэргэ кини салайар коллектива хас да төгүл социалистическай куоталаһыы кыайыылааҕынан буолбута.
Бүгүн Павел Петрович «СР агропромышленнай комплексын консультационнай-методологическай киинэ» автономнай учреждениеҕа үлэлиир, тыа хаһаайыстыбатын үлэһиттэрин кытта үлэҕэ баай уопутун үллэстэр.
Комментарии
Авторизация на сайте через социальные сети