Соторутааҕыта Томпо оройуонун баһылыгын социальнай боппуруостарга солбуйааччы Петр Новгородов, бэтэрээннэр оройуоннааҕы сэбиэттэрин бэрэссэдээтэлэ Галина Готовцева үлэ бэтэрээнигэр, 78 саастаах Винокурова Елена Гаврильевнаҕа бу мэтээли туттардылар.
Маны тэҥэ бэтэрээннэр оройуоннааҕы сэбиэттэрин бэрэссэдээтэлэ Галина Готовцева, Хаандыга бөһүөлэгин баһылыгын солбуйааччы Светлана Котеля уонна социальнай харалта Томпотооҕу управлениетын начальнига Антонина Решетникова тыыл бэтэрээнигэр Валентина Лизуткинаҕа сырыттылар. Валентина Михайловна 90 сааһын туолбут. Киниэхэ эҕэрдэ аадырыстары уонна бэлэхтэри туттардылар. Валентина Михайловна билигин даҕаны сэргэх. Кини доруобуйата куһаҕана суох, элбэх саастаах курдук санаммат, «Көрөрүм буоллар үлэлиэм да этэ», - диир.
Комментарии
Авторизация на сайте через социальные сети