ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
10 июня 2015, 10:25

Ньурба куорат өссө биир саҥа дьиэнэн киэркэйдэ


Аҕыйах хонуктааҕыта Ньурба куорат киинигэр, Пионерскай уулуссаҕа турар саҥа олорор дьиэ кыбартыыраларын күлүүстэрин хаһаайыттарыгар туттарыы үөрүүлээх сиэрэ-туома буолла. Итинэн кинилэр хас да сыллаах кэтэһиилэрэ түмүктэннэ.
Түөрт уон кыбартыыралаах дьиэ тутуутугар хас да бэдэрээтчит үлэлээтэ. "Региональнай сайдыы" ХЭУо сыбаайаларын туруортаабыта. Салгыы Дьокуускай куораттааҕы "Бухатыыр" ХЭУо (ген. директор Тихонов В.Г.) биригээдэтэ үлэлээбитэ эрээри, дьиэни 2011 сыл үһүс кварталыгар бары силигин ситэрэн туттарар соругун толорботоҕо, онон Дьокуускайдааҕы "Сокол" тутуу тэрилтэтэ ылсан, эбийиэги дьэ бүтэрдэ.
photoByWidth&id=36313&width=1000
Тутуу өрөспүүбүлүкэтээҕи "Олорор дьиэ" тус сыаллаах бырагыраама "Бүддьүөт тэрилтэлэрин үлэһиттэрин олорор дьиэнэн хааччыйыы" хос бырагырааматынан үбүлэннэ. Үөрэҕирии, култуура, доруобуйа харыстабылын эйгэтин уонна социальнай тэрилтэлэр 32 үлэһиттэрэ судаарыстыбаттан көмө быһыытынан кыбартыыраларын сыанатын 35%-нын саҕа суумалаах көмөнү ылбыттара.
- Ханнык баҕарар тутуу эбийиэктэригэр уоту холбооһун сүрүн кыһалҕанан буолар, - диир ИСУ салайааччыта Илья Ефремов. - Техническэй холбооһун Мииринэйинэн эргийэн, уһун кэм устатыгар быһаарыллар. "Якутскэнерго" АК уонна улуус уопсай тылы булан, бу боппуруос түргэнник быһаарылынна. Дьиҥинэн, болдьоҕо ахсынньыга диэри этэ. Докумуона барыта ситтэ. Дьиэ таһын тупсаран оҥорууга (благоустройство) "Сокол" ХЭТ үлэлэстэ.
При частичном или полном использовании материалов гиперссылка на сайт ysia.ru обязательна.
Категория: Территория Просмотров: 738 Источник: ЯСИА Автор: Геннадий Антонов Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ