ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
26 октября 2015, 13:15

Кинигэ дьоруойдара ааспыт кэм быыһын сэгэттилэр


Кэбээйи улууһун Мукучу модельнай библиотеката сүрүн социальнай партнер тэрилтэтин кытта хардарыта дьайсан айымньылаахтык үлэлииргэ куруук кыһамньытын уурар.

Литература сылыгар анаан «Айымньы - тыйаатыр педагог хараҕынан» күрэс ыытылынна. Ол тэрээһиҥҥэ Сайылыктааҕы оҕо айымньытын дьиэтин (дириэктэр Левчикова М. В., методист Алексеева М. А.) уһуйааччылара, үлэһиттэрэ көхтөөхтүк кытыннылар.

Сүбэлэһэн баран «Эр дьон куруук инники күөҥҥэ сылдьыахтаахтар”- диэн санаанан салайтаран, үөрэх эйгэтин арыйар ис хоһоонноох Суорун Омоллоон «Хараҥаҕа тыкпыт сырдык” кинигэтин библиотека долбууруттан талан ылан, элбэх киһи кутун туппут айымньыны туруорар, көрдөрөр туһунан быһаарыыны ылыллар.

Кыттааччылар - эр дьоннор айымньы тиэксин нойосуус үөрэттилэр, хас биирдии ураты уобараһы толороллоругар култуура эйгэтигэр өр сыллар усталарыгар өрө тахсыылаахтык үлэлээбит, билигин бочуоттаах сынньалаҥҥа олорор ааҕааччыбыт Им Екатерина Николаевна көмөлөстө. Эдэр үлэһит, уруһуйдьут Варвара Софронова гримнээн уобарастары таба өйдөөн, ылынан дьоҥҥо-сэргэҕэ тиэрдэргэ, арыйарга күүс- көмө буолла.

Кытааччыларбыт тустаах оруолларын: улуус кулубатын уолун Күөстэни Геннадий Петров, Ньукууһу -  уол оҕону Ариан Спиридонов, Дьаакыбы Василий Кычкин, судаарыскай Болдьумаары Роман Софронов бэркэ табыллан толордулар. Ол туоһутунан көрөөччүлэр сэҥээриилэрин ылан, кыраҕы харахтаах норуот номинациятыгар Көрөөччүлэр биһирэбиллэригэр тигистибит. Бастыҥ Эр киһи оруола диэн номинациянан Ариан Спиридонов наҕараадаланна.

Дьэ, ити курдук, бары бииргэ араас дьоҕурдаах дьоннору түмэн кинигэни ааҕыыны пропагандалыырга, айымньылары сырдатарга араас ньымалары туттан үлэлииллэр.

 

При частичном или полном использовании материалов гиперссылка на сайт ysia.ru обязательна.
Категория: Территория Просмотров: 673 Источник: ЯСИА Автор: СИА Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ